Assiégé par don Garcie de Tolède

2. Cettelettre parvint au connétable le 10 juillet. (Lettre du connétable de Montmorency à M. du Lude. Saint-Germain-en-Laye, 11 juillet 1553. Archives historiques du Poitou, t. XII, p. 75.)

Car jamais elle ne receut personne avec plus grans honneur et faveur qu'elle a fait monsieur le cardinal , qui s'en retourne demayn à Syennes, pour ad viser avecques M. de Termes tous les moyens qu'il sera possible pour reigler la despence superflue qui se y faict, ou bien pour emploier les gens qui y sont de trop, en quelque endroit, où ilz pourront faire service : en actendant là dessus vostre responce, qu'il vous plaira nous faire sçavoir le plustost qu'il sera possible. SemblablementMgrle cardinal duBelay s'est trouvé à ceste assemblée fort à propoz et y a esté bien et favorablement recueilly deSadicte Saincteté, laquelle nous suivrons demain à Romme,pour continuer ledevoir de noz charges, vous advisant, Monseigneur, que nous désirons merveilleusement avoir la responce de ce que j'ay escript au Roy que désiroit le seigneur Vincencio de Nobili, entrant en son service : qui est d'estre asseuré d'avoir la charge de la cavallerye ou infanterye italyenne, et avecques ceste condicion se contentera de la pension que avoyt Ascanio de La Corne, qui est de um escus. En attendant ladicte responce, mondict sr le cardinal du Belay et moy ferons tout ce que nous pourrons pour l'entretenir, car l'oppinion de tous les serviteurs du Roy de par deçà est, qu'il est bien nécessaire pour le service de Sa Majesté de le retenir, pour ce que, oultre ce que il est nepveu du Pape, qui importe beaucoup, il a le gouvernement d'Anconne, comme vous sçavez, qui est une des principalles clefz du royaume de Napplesque, sy les ennemis l'avoyent, ilz seroient bien asseurez de ce costé là .

Au demourant, Monseigneur, pour ce que mon instruction porte de parler à l'évesque de Viterbe de la récompence qui luy fut promyze de mc escus, pour l'office de maistre des courriers qui fut baillé au Boitheuz, je vous envoyé ung mémoire que m'en a baillé ledit évesque là dessus, aflin qu'il vous plaise l'en faire satisfaire. Je vous envoie semblablement ung aultre mémoire de ce que le

cappitaine Hiéronyme prétend luy estre deu, tant pour avoir faict plusieurs voiaiges à ses despens par commandement de MMgrs les cardinaulz de Ferrare et de Tournon et de M. de Termes, que aussi pour les arrérages des estatz que le Roy luy donna, le rettenant en son service. Vous sçavez, Monseigneur, que c'est une personnaige digne d'estre recongneu pour les services qu'il a faictz et peult faire, par quoyje vous supplie très humblement l'avoir pour recommandé. Et aussi Nicquet, présent porteur, auquel, s'il vous plaist faire faire quelque bien, suivant l'espérance que vous luy en avez donnée, je croy qu'il sera bien employé, car il est homme de bon esperit et de dilligence pour faire service. Je luy ay aussi baillé le mémoire des fraiz et mises qui ont esté faictes, avant mon arrivée à Romme et depuis que je y suis, sur une partie de nmvc escus qui fut prinse de Messer Bernardo Accioly, et de vc escus dont M. de Mirepoiz estoyt reddevable, que j'ay receuz ; desquelz il me reste, toutes myses faictes, entre les mains encores xmc escus, que j'emploieray en ce il vous plaira me commander.

Monseigneur, en recommandant les autres, je ne me veulx point recommander, sachant très bien que vous aurez bonne souvenance de moy, et considérerez, s'il vous plaist, que je suis icy en une saison où je suis contraint de despendre plus que je n'ay vaillant1, comme vous dira ledict Nicquet, auquel j'ay donné charge de vous dire quelques autres choses particullières, dont je vous supplie très humblement de croire, et me tenir tousjours en

i. « Au xvie siècle, les ambassades étaient des postes de confiance auxquels s'attachaient de grands honneurs, mais elles étaient faiblement rétribuées et occasionnaient une dépense considérable ; elles donnaient la possibilité de se ruiner au service du roi. La durée de ces fonctions était en général fixée à trois années, et il était reconnu que dans ce laps de temps l'ambassadeur de Rome dépensait 20.000 livres de plus qu'il ne recevait. » (De la Jonquière, Une ambassade en Angleterre au XVIe siècle, Revue des Deux-Mondes, mars 1890.)

vostre bonne grâce, laquelle je sallue de mes très humbles recommandations.

Monseigneur, je supplie le Créateur vous donner en parfaicte santé très bonne et très longue vye.

De Viterbe le xxe jour de juing 1553. Monseigneur, j'ay baillé à Nicquet deux cens escus pour son voiaige à aller. Vostre très humble, très obéissant et très obligé serviteur. Lakssac.