juin 1553 . — Lettre de M. de Lanssac au roi

Sire, Mgr le cardinal de Ferrare vous escript si au long comme toutes choses que nous avons eu à faire icy sont passées qu'il me semble qu'il n'y a riens obmys, et craignant vous ennuver de reditte ne vous dirav autre chose sinon que je loue Dieu de votre bonne fortune, laquelle si elle est bien suyvye j'espère vous conduira à telle grandeur que tous vos bons serviteurs peuvent souhaiter, mesmes du costé de deçà où vous estes merveilleusement désiré et tint on l'empereur pour mort ou autant vault.

Sire, je supplie le Créateur, etc. De Viterbe le \xe jour de juing 1553.

48. — 23 juin 1553. — Lettre chiffrée de M. de Lanssac au cardinal

de Ferrare.

Monseigneur, si je vous faisois longue lettre je vous ferois tort, car vous avez assez à faire à veoyr la dépesche que le Roy vous envoyé et entendre de Bonacoursy les nouvelles qu'il vous porte par quoy je ne vous dirav aultre chose sinon que vous verrez par l'extraict d'une lettre que m'a escripte M. de Lodève le peu d'espérance qu'il nous

donne d'avoir de l'argent. Si ne lairray-je pourtant à luy escrire demain pour l'en solliciter. Et cependant feray icy toute la dilligence qu'il me sera possible pour avoir moven d'en recouvrer et de vous en envoyer si vous me demandez de le faire, ce que vous ferez selon que vous jugerez de l'intention de Sa Majesté par ce qu'il vous en mande présentement. Vous advisant, Monseigneur, que le Pape est arrivé ce matin qui se trouve ung peu mieux qu'il n'a accoustume et m'a accordé audience pour aller ce soir à vingt heures luy faire entendre ce que j'ay charge du Roy, qui est de sentir de luy qui c'est qu'il vouldroyt faire au cas que les nouvelles qu'on puhlye de la mort de l'empereur fussent véritables, et si je le trouve en bonne disposition je luy mettray comme de moymesmes quelque party en avant et de tout ce que je pourray apprendre de luy vous en feray part par la première occasion.

Monseigneur, il y a ung homme de bien sur lequel on peult avoir fiance qui m'a dict avoir quelque moyen de prendre une des places plus importantes du duc de Florence, si c'est chose à quoy vous veuilliez entendre, il vous plaira me le mander et je vous envoieray ledit personnage incontinent. Je désire bien au demeurant sçavoir quelle résolution vous et M. de Termes aurez prinse et si Nicquet est passé seurement par Florence.

De Rome le xxiiie jour de juing 1553.

49. — 23 juin 1553. — Lettre chiffrée de M. de Lanssac à M. de Termes.

Monsieur, vous verrez par ma lettre que j'escripz à Mgr le cardinal de Ferrare tout ce que vous sçaurois mander oultre ce qui s'ensuit, par quoy je ne vous dirav aultre chose sinon que je vous escriviz dernièrement une lettre de Viterbe, par laquelle je vous prioys

faire en sorte que je fusse deschargé de l'homme i que vous sçavez, et que M. le duc de Parme le mandast aller devers luy. Depuis ledit personnage m'a dict pluzieurs fbvs qu'il s'ennuye merveilleuzement et qu'il est à demy désespéré se voyant sans charge et sans bien faict, et frustré de l'espérance que l'on luy a donnée pour la récompense de ses services, par quoy il m'a dict qu'il s'en vouloit aller en quelque sorte que ce soit vers le Roy pour sçavoir où il en doibt demeurer, je luy ay remonstré et pryé, d'attendre quelque bonne occasion avec laquelle je le dépescherois, à quoy il m'a respondu que quant j'aurois quelque bonne occasion pour l'envoyer il ne sçauroit faire la dilligence requise, et qu'il avoit cinq cens escuz pour employer au voyage qu'il veult faire, mais qu'il passera à Parme et y fera quelque séjour et d'autant que vous sçavez que je ne sçaurois avoir occasion de le retenir il vous plaira si vous ne trouvez bon qu'il aille en France, faire en sorte qu'il puisse demeurer à Parme. Touttefois j'allongeray son partement le plus que je pourray.

Monsieur, j'ay veu une lettre que vous m'avez escripte par messer Carlo Masseny ambassadeur de Sienne, par laquelle vous me mandez faire bailler audit Masseny uc escuz sur l'argent que j'auroy entre les mains, et vous sçavez que je vous ay envoyé cinquante mille escuz qui est tout ce que j'ay receu, et si j'en receoys davantage je ne fauldray à luy satisfaire, ou si vous me voulez mander que je les luy baille de mon argent je le feray pour vous faire service.

De Rome le xxiij0 jour dejuing 1553.

i. Il s'agit ici du capitaine Jérôme de Pise, dont il est aussi question dans la lettre de M. de Lanssac au connétable de Montmorency du 7 juillet 1553.

50. — 24 juin 1S53. — Lettre de M. de Lanssac au ducdeFerrare. (Arch. deModène, etc. Orig.)

Monseigneur. Combien que par Nicquet que j'ay dépesché devers le Roy vous aiez peu entendre ce qui fut conclud à Viterbe pour les affaires de Sienne, toutes fois parce que j'ay veu par votre lectre que vous desiriez sçavoir qui avoit meu le pape de nommer M. le cardinal Saincte Croix pour estre chef à la garde du dict Sienne, je vous advise, Monseigneur, que ce furent les Espagnolz qui se sentans pressez de desloger pour couvrir leur honte, presparentSa Saincteté de faire quelque conclusion au propoz du dict accord. Quoy voiant Sa dicte Saincteté voyant qu'il ne restoit que l'élection de chef fait la dicte déclaracion à quoy je luy diz que d'autant que les dicts articles estoient en tout contraires à ceulx qui me furent baillez par messieurs les légatz à Ferrare nous ne les accorderions point, toutes fois Sa Saincteté se résolut les envoier à M. le cardinal votre frère, qui après estre arrivé remonstra à Sa dicte Saincteté que nous n'estions plus en termes de traicter du dict accord.

D'autant que elle ne désiroit aucune chose si non que de chasser les ennemis hors du Siennois et de l'Estat de l'Eglise et laisser Sienne en liberté. Ce qui estoyt fait parquoy avec sa satisfaction et contentement, mon dict seigneur le cardinal est retourné à Sienne pour y mainctenir la protection de Roy et nous nous en sommes retournez icy. Veez là tout ce que je puis vous mander.

Monseigneur, après m'estre très humblement recommandé à votre bonne grâce prie à Dieu vous donner, en parfaiele santé, très bonne et longue vve.

De Rome le xxiiije jour de juin g 1553. Votre très humble et très obéissant serviteur. Lanssac.

A Monseigneur, Monseigneur le duc de Ferrare.