Chapperon

65. — lb juillet 1553. — Lettre chiffrée de M. de Lanssac à M. de Termes.

Monsieur, il y a ung homme nommé messer Herolamo Bonafede, de Palerme, en Sicile, lequel estoit barigel de la campaigne et de la cité de Plaisance, qui pour quelque déplaisir et malveillance qu'il a eue avec le conte Jehan ', qui tua le duc Pierre Loys 2, a esté contraint de se enfuyr et retyrer icy où il m'est venu veoir et m'a dict que cydavant ung nommé messer Zola de Benevente l'avoyt recherché pour le service du Roy de bailler une des portes dudict Plaisance, ce qu'il a tousjours eu vollonté et moien de faire ; et pour estre party dudict lieu, n'a pas pourtant perdu ledit moien et s'offre de le faire quant on vouldra. A ceste cause, Monseigneur, je vous en ay bien voullu advertyr pour sçavoir de vous sy vous n'aviez jamais entendu ceste praticque et si vous vouliez que j'envoye ledit Bonafede devers vous pour vous dire ces moiens ou bien ce qu'il vous semblera que je doyve faire, car peult estre que si M. le maréchal de Brissac, qu'on dit estre près de Savonne, marchoyt plus avant, il n'y aurovt point de mal de tenter ceste praticque ou de luy addresser ledit personnaige. Veez là tout ce que je vous puiz mander pour le présent, sinon que je n'ay point de nouvelle de Mgr de Lodesve ne d'aucune provision d'argent. L'on dit que l'armée de mer passa le Far lundy dernier. Si ainsi est nous sçaurons bien tost de ses nouvelles. Me recommandant, etc.

De Rome le xve jr de juillet [1553].

Monseigneur, je vous advise que le cappitaine Hiéronime est tousjours en ceste ville et depuis sept ou viij