juillet 1553. — Lettre de M. de Lanssac au roi
Sire, hyer au soir le Pape eut nouvelles que le iiijede ce moys l'armée de Levant avoit esté descouverte à Cottron ' qui est assez prez du Cavo de Colonnes, et dief on que, s'ilz ont voulu faire diligence elle peult estre maintenant passée ie Far 2 ; je y dépeschay hyer un gentilhomme pour porter le pacquet qu'il vous avoit pieu m'envoyer pour M. le baron de la Garde sur une frégate que MM. le cardinal de Ferrare et de Termes m'ont envoyé de Porthercule. Je ne sçay si ledit gentilhomme s'y pourra conduire seurement. Toutefois j'estime que Votre Majesté aura faict tenir la mesme dépesche par la voye de Vehize et que partant il ne sera point que l'ung ou l'aultre n'y arrive, vous advisant, Sire, que l'on dict que les bannis du royaulme de Naples sont attendans ladite armée assemblez en grand nombre, et qu'ilz ont refïuzé ung pardon général que le cardinal Pacheco Nice roy leur a voulu envoyer, et que les nouvelles de la venue de ladite armée et de ce que fontlesdits bannys a ung peu abaissé le cacquet aulx Impériaulx. Sire, je supplie, etc.
De Rome le xe jour de juillet 1553.
62. — 11 juillet 1553. — Lettre de M. de Lanssac au cardinal de Ferrare et à M. de Termes.
Messeigneurs, je vous supplye croire que j'ay fait tous mes effortz pour recouvrerles xxvm escuz que vous m'avez mandé, maiz il m'a esté impossible sinon avec des conditions tant desraisonnables que je ne vouldrois pas commencer à mettre le Roy en telz termes, et à la fin ung bon serviteur de Sa Majesté en a preste à Mgr le cardinal du
1. Cotrone, port sur la mer Ionienne, c'est l'antique Crotone.
2. Détroit de Messine. Le cap du Far est situé à l'extrémité nord-est de la Sicile.
Bellay et à moy ixm, sans interestz, lesquelz je vous envoyé présentement pour vous en servir, attendant la responce du Roy et que MMgrs de Lodesve et de Selve vous pourront pourveoir de plus grande somme, desquels ixra escuz il vous plaira nous envoier par ce présent porteur un reeepicé. Et d'autant que mondit ssr le cardinal et moy nous sommes obligez de les rendre dedans un g moys, je vous supplye très humblement escrire, par votre première dépesche, à mesdits sgrs de Lodesve et de Selve de nous les envoier, affin que nous les puissions rendre dedans ledit terme, car autrement nous perdryons notre crédyt et demeurerions en grant peyne. L'on dict icy que beaucoup de voz soldatz se débandent. Si ainsi est, il ne vous fauldra pas tant d'argent pour la paye du mois.
Messeigneurs, lundi dernier xc de ce moys le corser avec le gentilhomme avec lequel j'ai envoie le pacquet du Roy et le vostreà l'armée partyrent d'Ostve, et croy qu'ilz ne feront pas long voiage sans rencontrer ladite armée sy elle a faict dilligence de marcher, despuis qu'elle fust descouverte le iiije de ce mois à Cotteron. Depuis le partement de Prévost je n'ay eu nouvelle de l'armée ne d'ailleurs digne de vous mander. Par quoy je feray fin, me recommandant, etc.
De Rome le xje jour de juillet 1553.
63. — 11 juillet 1553. — Lettre de M. de Lanssac à M. de Termes.
Monsieur, vous me mandez que pour le paiement du mois de juing passé il vous fault encores iiijm escuz et les vjra qui furent prins davant Montalchino. Je vous supplie me pardonner, mais il me semble que vous vous mescontez, car pour la paie du mois de mav je vous envovay liiij"1 escuz et depuis pour la paye de juing vous en ay envoyé lvjm escuz, lesquels vjra vous avez rettenuz au lieu des autres vjm qui
furent prins devant Montalchino, parquoy vous en reste pour ledit mois dejuing 1'", et par ainsi ne vous en resteroit pour faire la pave entière comme celle du mois précédent que iiij" escuz. Car je sçay très bien vous avoir envoyé depuis que je suis icy cxm escuz sans compter les x^queje vous envoyé à présent. Parquoy il vous plaira \ faire adviser par le trésorier de l'extraordinayre afïîn qu'il ne se trouve en mesconte. Me recommandant, etc.
De Rome le xje jr de juillet 1553.
64. — 15 juillet 1S53. — Lettre de M. de Lanssac au cardinal de Ferrare.
Monseigneur, mercredi dernier je vous envoya)' par ung mien secrétaire ' avec le chevaucheur de M?r de Termes, \ra escuz que M?r le cardinal du Bellay et moy avons empruncté en ceste ville. Depuis je n'ay point sceu de nouvelles de Mpr de Selve ni de Mgr de Lodesve ne d'ailleurs digne de vous estre mandée, sinon qu'on dit que sabmedy dernier qui estoyt le viije de ce mois notre armée de mer s'essava de passer le Far ; mais il y eusl ung vent qui la repoulsa, et que le lundy dernier ensuivant elle le passa. Si ainsi est, nous en sçaurons bien tost des nouvelles.
Monseigneur, je vous supplie très humblement escrireà M. de Lodesve de nous faire rembourser au plus tost de ces xm escuz. affin que nous n'en soions en peyne et honte et en dangier de perdre notre crédit.
Monseigneur, je n'ay peu entendre, combien que je m'en sois enquis, quelle responce le Pape a eu du due de Florence sur la restitucion de Luzignano.
Monseigneur, je me recommande, etc.
De Romme le \\" j1 juillet 1553.
