Il était petit-fils du pape Paul III

du Pape touchant la seureté pour conduire icy les vins de Corsèque ne aussi de la restitution des frégates qui furent prinses auprez de Montalte ', pour ce que depuis Sa Saincteté a tousjours esté malade et est encores, de sorte qu'on ne peult négocier avec elle ; mais sitost qu'elle sera amendée, dont elle a commencement, je ne faudray à luy en parler et à vous faire entendre ce que j'auray faict.

Monseigneur, je receuz hyer au soir votre lettre du xxje de ce moys avec la coppie de celle que vous avez escripte à Mgr le cardinal Sermonette, respondant aulx propoz que Sadicte Saincteté avoit tenuz à messieurs les cardinaulx de Trany, du Bellay et ledit sr Sermonette ; et me semble qu'il n'est possible de mieux dire que vous dictes, et ne fauldray à suivre semblable langaige quant je parleray à Sadite Saincteté. Et pour vous dire franchement ce qu'il m'en semble, je croy que Sadite Saincteté, à l'appétit de personne que ce soit, n'est point pour vouloir faire entreprinse qui veinst au préjudice du Roy et aussi peu vouldroit elle s'attacher avec Sa Majesté en chose qui le peust mettre en différent avec l'Empereur ne le duc de Florence, car elle ne veult qu'eschapper le temps et vivre en repoz et aussy se sent foible d'argent. Mais je ne faictz point de doubte que quant elle verroit auprez d'elle quelques bonnes forces du Roy, que l'amour, la craincte et le désir qu'elle a d'avancer ceulx de sa maison luy feroient faire beaucoup de bonnes choses ; mais plustost, quelques belles parolles qu'elle tienne, il n'y faut point attendre. Et quant au duc de Florence nous avons tous les jours advertissement de la continuation et augmentation de sa mauvaise volunté, par quoy je seroisbien d'advis que vous ne vous fyez plus en luy et ne laissez pas passer l'argent par son pavs, car à la fin je craindrois que vous y trouveriez trompé.

1. Montalto di Castro, petite ville de la province de Rome, située sur la Fiora et près de son embouchure.

Monseigneur, je sçaj certainemenl que si nous nous adresse/, à M"1" la duchesse de Castres elle a moyen de vous faire recouvrer cinq ou si\ mil ruges de grain de son estât, tant du sien que de ses serviteurs et subgectz; mais vous sçavez qu'elle s'employe si liberallement en ce qui touche le service du Roy sans regarder a son profïiet qu'il seroit bien raisonnable de luv en donner quelque petite chose oultre le prix commung, car le bled est maintenant a vil pryset elle ne le garde que pour en tromei davantage et faire son proffit, par quov il vous plaira y avoir tel esgard qu'il vous semblera. Au demeurant, pour ce que Mgr l'évesque de Viviers s'en va présentement devers le Roy, justement bien au Ion de Mgr le cardinal du Bellay et de moy de tout ce que nous entendons des affaires de pardeça, nous l'avons faict passer devers vous pour vous dire le contenu de sa dépesche allin qu'il vous plaise y adjouster ou diminuer ce que vous adviserez.

De Rome le xxyje jour d'octobre 1553.

138. — 31 octobre [1553]. — Mémoire envoyé de France au cardinal du Bellay et M. de Lanssac, ce fut incontinent après la prise de l'isle de Corse. (Ribier, Lettres et mémoires d'estat, t. II, p. 473.)

Le nonce de Notre Saint Père, résident par deçà, ayant demandé audience au Roy luv dit que Sa Sainteté s'émerveilloit comme il embrassoit tant de diverses entreprises pour s'attacher puis a l'un puis à l'autre des princes et potentats d'Italie, ainsi que tout recentment il avoit fait sur les Genevois, leur ayant pris l'isle de Corsèque, sans précédente occasion de guerre, ny qu'ils eussent fait aucune chose contre Sa Majesté. Laquelle pourroit bien penser que lesdits princes et potentats, estimans que ce qui se faisoit à l'un se pourroit bien entreprendre sur l'autre, ils ne seroient pour supporter telles nouveautez qui entretiennent