TOME XXX11I

la guerre en Italie, sans regarder à ce qu'ils auront à faire; et quant ausdits Genevois, ils estoient délibérés de dépenser tout ce qu'ils ont jusques à leurs propres vies, sans y espargner leurs femmes et enfans, au recouvrement de ladite isle de Corse. Davantage le duc de Florence avoit entendu que ledit seigneur Roy luy portoit une mauvaise volonté, dont Nostre Saint Père ne pouvoit estre sinon que très marry, ayant tousj ours désiré qu'eux deux fussent amis; et que Sa Majesté feroit beaucoup mieux de ne se point acquérir ny conciter tant d'ennemis contre elle, mais se devoit contenter d'avoir seulement affaire à l'Empereur.

Sur quoy le Roy fit response audit nonce, que si Sa Sainteté s'émerveilloit de son costé, Sa Majesté trouvoit estrange du sien qu'il eust voulu faire tenir ce propos, et aussi que jusques icy il ait voulu ignorer ce que tout le monde a veu et touché au doigt et à l'œil, quant aux déportemens desdits Genevois contre Je Roy et de l'occasion qu'ils luy ont donnée de s'en ressentir comme il a fait ; ayant iceux Genevois, non seulement secrètement et sous main secouru et aidé ordinairement d'argent et de tout ce qu'ils ont peu son ennemi, pour soustenir la guerre contre luy tant de costé de Piedmont que d'ailleurs, mais encore publiquement receu et tenu ordinairement ses galères et vaisseaux dedans leurs ports, les fournissant de vivres, armes, munitions et toutes autres choses dont ils ont eu besoin : de sorte qu'en tout et par tout l'Empereur a toujours eu plus tost recours à eux qu'à nuls autres. Lesquels actes sont assez suffisantes occasions pour les es~ timer ennemis de la couronne de France et les traiter comme tels ; et ne faisoit le Roy doute qu'ils ne fassent tout ce qu'ils pourront pour le recouvrement de ladite isle de Corsèque, comme de sa part il ne veut aussi rien oublier de tout ce qu'il faut faire pour la garder et y avoit desja si bien pourveu, qu'eux vec leurs adhérans et alliez

ne l'en sçauroient désempiéter, n\ chasser, quelque efforl qu'ils y puissent faire.

Quant au due de Florence, le l!o\ recevra tousjours gracieusement ei avec telle déférence qu'il doit, tout ce que

Nostre Saint Père lu\ fera dire par son conseil, remonstrance ou autre admonition paternelle ; mais quand il voudra mettre ledit duc de Florence au rang et parangon de Sa Majesté, cela luy feroit perdre patience, comme de dire que l'on luy a voulu faire amy celuy qui ne se feroil point de tort de rechercher à estre receu et réputé pour sei\ iteur de Sadite Majesté. Et encore que ledit duc ait fait contre ledit seigneur Roy ce que chacun seait, mesme de frèche mémoire pour les Genevois, si est ce que Sa Majesté le laisse là et ne luy en veut dire autre chose, espérant que de luy-mesme il eonnoistra ce qu'il aura bien ou mal fait.

Et ne se trouvera pas que le Roy se soit attaché à aucun prince ny potentat sinon pour luy faire plaisir, recevoir et prendre en sa protection les opprimez, et davantage, au lieu d'entretenir la guerre en Italie, il a cherché les moyens de l'en jetter hors et esloigner le plus qu'il pourroit d'auprès de Nostre Saint Père et des terres de l'Eglise, n'ayant voulu accorder la tresve en Piedmont, que Siennes et le Siennois, les duchez de Castres et Parme, le Parmezan et la Mirandole n'y fussent compris : en sorte que par cela la guerre s'est du tout rejetlée et demeurée audit Piedmont, et a le Roy mieux aimé incommoder ce qui est sien que de troubler celuy d'autruy. Priant ledit nonce sur la fin de ce propos qu'il eust à faire entendre à Nostre Saint Père sa réponse telle qu'il la luy avoit faite : dont Sa Majesté a bien voulu advertir MM. le cardinal du Bellay et de Lanssac afin que l'on ne leur puisse rien desguiser ny changer de ladite response : où ledit seigneur Roy a oublie d'adjouster ce que ledit sieur de Lanssac luy a fait entendre que Nostre Saint Père luy avoit dit, quand

ce vint à parler de la prise de Boniface, qu'il ne se soucioit de l'isle de Corsèque, ny qui la tint ny l'oecupast pourveu qu'il fust chrestien : aimant encore bien mieux qu'elle fust es mains des François que des Impériaux, pour ce qu'il avoit espérance d'en estre mieux aidé, secouru et favorisé. Et que quand il n'y auroit autres chrestiens à la conqueste, il seroit content de faire marcher sa bannière la première ; et n'y auroit point de mal que le sr de Lanssac, venant à parler de ce discours, luy remit devant les yeux ces mesmes paroles, afin de luy faire connoistre la contrariété de ses discours et opinions.

De Paris dernier octobre [1553]. — Hexry.

139. — 2 novembre 1553. — Lettre de M. de Lanssac à M. de Termes.

Monsieur, il y a longtemps que je vous eusse envoyé les picques que présentement je vous envoyé, si j'eusse peu trouver vaisseau, mais il ne m'a esté possible ; il y en a en nombre six cens cinquante qui est tout ce que j'ay trouvé céans, vous ad visant que je me fusse travaillé pour vous envoyer de l'argent suivant ce que dernièrement vous me mandastes, n'eust esté que j'ay depuis naguères eu commandement du Roy de ne prendre icy ung seul escu en son nom, mais je croys que M. le baron de la Garde vous aura porté tout ce qui vous faisoit besoing.

Monsieur, le Pape a requis l'ambassadeur de l'Empereur qui est icy de bailler seureté pour faire venir les vins de Corsèque, lequel ambassadeur a respondu n'avoir point pouvoir de ce faire, mais qu'il en escriroit au prince Doria, lequel il pensoit n'y feroit point de difficulté pour ce que c'estoit chose raisonnable. Si tost que la responce en sera venue je ne fauldray à la vous envoyer, vous voulant bien dire que noz ennemiz ne font pas icy si grand bruict

n\ tant les braves comme il/ souloient, el s'estonnent fort d'avoir entendu la venue dudil s' de la Garde, sçachant bien que avant en par ln\ les provisions qui vous sont nécessaires et si longtemps pour nous fortiffier, il leur sera bien difficille d'exécutter leur entreprinse ; toutefois il/ vous menassent tousjours, et dict on qu'il/ ont mande que les gallères de Naples et de Sicile avec deux mille Espagnolz y viennent. Jesçaj bien (pie vous ave/ bonne congnoissance de combien importe pour le service du Roy de bien garder la Corsèque ; si est ce que je vous veulx bien advertir que l'on tient pour certain pardeçà que si elle est bien maintenue et que Sa Majesté y tienne ung bon nombre de gallères, il est impossible que devant deux ans l'Empereur ne soit en tout ou en partye ebassé de l'Italie. Nous sommes bois de tout espoir d'accord avec le duc de Florence, dont nous avons adverty Sadite Majesté affin qu'elle y pourveoye ; voyla tout ce que je vous puis dire pour ce que j'estime que vous avez de plus fresches nouvelles de France que moy.

Monsieur, ce porteur est celluv par lequel je vous escriviz dernièrement, lequel me rapporta fidellement responce; et pour ce qu'il désire avoir quelque grâce de vous, je vous supplve l'avoir en cela pour recommandé.

L'article cy escript en chiffre est de l'alphabet que j'avois commung avec Mgr le cardinal de Ferrare et vous quand vous estiés à Sienne. Ledit article toutefois ne contient pas chose de conséquence ny qui vous touche, mais il vous plaira me mander si vous ave/ ledit alphabet ; je vous envoyé des advis de Naples et de Gennes.

De Rome le ije novembre 1 553-

140. — 3 novembre 1553. — Lettre de M. de Lanssac au cardinal de Ferrare.

Monseigneur, je ne nous puys mander aucune réponce

de ce que j'ay à négocier avec le Pape, pour ce qu'il y a prez d'ung moys que je ne l'ay veu ; et vous asseure, à ce que j'ay entendu, qu'il a esté merveilleusement malade et beaucoup plus qu'on n'a dict, car avec la goutte universelle qui le tenoit partout il avoit la fiebvre, ung fluz de ventre et ung reume qui luy tomboit en l'estomach. A présent on dict qu'il se porte mieulx ; j'essaieray d'avoir audience pour demain s'il m'est possible, et vous manderay ce que je pourray entendre de Sa Saincteté par messer Jehan Paulo ou par le procache *. Cependant je vous veulx bien dire à toutes adventures qu'il me semble que le Roy feroit merveilleusement bien d'envoyer Mgrs les cardinaulx de Tournon et d'Armagnac 2 pardeça ; avec vous et Mgr le cardinal du Bellay, notre partye seroit assez forte pour faire attendre les aultres s'il y advenoit inconvénient.

Monseigneur, je vous envoyé ungpacquet que j'ay receu ce matin de Lyon avec le double d'une lettre que M. le baron de la Garde escrivoit de Toulon à M. le général Dalbène aprez son retour de Corsèque ; qui est tout ce que j'ay de nouveau pour ceste heure, sinon que le lieutenant dudict Lyon m'escrit que les ennemys s'estoient encores rassemblez pour venir empescher la fortifïi cation du nouveau Hesdin, mais que M. le mareschal de Sainct André estoit party avec les bandes de gens de pied françois et allemans et la cavallerye qui estoit à Saint Quentin pour les aller trouver. Pareillement je vous envoyé ung petit extraict d'une lettre que messer Carie Massaigny,