Cette lettre faisait peut-être partie de la précédente

cardinal du Bellay vous escripz, l'empeschement que l'Empereur a faict au passaige du cardinal d'Angleterre, plus pour la crainte qu'il avoit qu'il empeschast ses desseings audict royaume que pour la cause dont il s'excuse, parquoy il a semblé, à mondict sr le cardinal du Bellay et à moy, bon de dire à Sa Saincteté et autres amys dudict cardinal, que, s'il vouloit passer par France, il y seroit le très bien recueilly et aussi bien venu en son pays par ce costé comme il seroit par l'autre, pour la bonne ami hé qui est entre le Roy et la royne d'Angleterre, et aussi pour la bonne et saincte occasion de son voyaige. Et d'autant que mondict sr le cardinal du Bellay vous en escript plus amplement, je ne vous diray autre chose, sinon que nous attendons la guérison de Sadicte Saincteté pour voir la promotion qui se doibt faire au prochain consistoire, où il y a beaucoup de prétendans, tant de la part des Impériaux, que de plusieurs serviteurs de Sadicte Saincteté. De nostre part nous faisons tout ce que nous pouvons pour empescher que le nombre ne croisse, et au cas qu'il creust, qu'il plaise à Sadicte Saincteté garder la part de Sa Majesté.

Monseigneur, il vous plaira tenir la main à ce que Sadicte Majesté face cesser les plainctes qui viennent tous les jours icy de Bretaigne, Provence et Savoye, pour le peu de compte que tiennent les parlementz desdicts pays d'accomplir ce que Sadicte Majesté a accordé à Sa Saincteté pour l'obéissance desdicts pays. Et pareillement il vous plaira avoir souvenance, quant Sa Majesté donnera quelque bon bénéfice, de le charger d'une pension de trois cens escus pour bailler à Mgr l'évesque de Viterbe ', en récompense de l'office de maistre des courriers qui luy fut osté pour bailler au Boiteuz, comme vous sçavez, car il y a longtemps qu'il est en ceste espérance et m'en sollicite souvent.