Le mss porte : viennent

que aucunes autres informations qu'on avoit données à ce roy, lesquelles je luy [ay] faict apparoir estre faulces par la confession mesme de ceulx qu'iiz s'en estoicnt plainctz.

« Mais à vous dire, monseigneur, ce qu'il en est franchement, il n'y a navire de guerre des nostres qu'on puisse attraper que ceulx-cy ne facent acroire après que ce sont larrons de mer, car topt ce peuple est si fort indigné à rencontre des nostres qu'ilz pensent ung grant service estre faict à Dieu si les Françoys en quelque sorte que ce soit, licite ou illicite, puissent estre opprimez, et de faict le maulvais traictement que leur font est tout notoire et tel que plus grande inhumanité ne pourroit estre, car oultre les ansiennes villennyes et injures envers noz gensilz ne se contentent d'appeler publicquement le roy Turc mais en tous les lieux où ilz trouvent à part ses subgeclz ilz ne se contiennent de les poulser ou de les batre. Quant mes courriers sont à Douvre, il fault qu'ils endurent que les Plamans leur dient qu'ilz les attendent pour les prendre aussi tost qu'ih seront embarcquez, et si Ton faict semblant de s'en plaindre, il n'y a homme au lieu de depposer la vérité qui ne se rende faulx accusateur contre eulx. Hier mesmes l'on menoit prisonniers cinq pauvres mariniers quiestoient, comme j'estime, du navire dyeppoys dessusdit qui a esté prins par ceulx de ce roy soubz prétexte de ce qu'ilz disent le nostre avoir esté agresseur, qui n'est ne vray ne vraysemblable. Et comme le monde s'assembloit en grand nombre pour les veoir et lesdits prisonniers demandassent s'il y avoit poinct de françoys qui sceussent nouvelles où j'estois, il y eut ung marchant qui osa seullement dire que j'estoîs allé à la court, dont si grant tumulte se leva qu'ilz commancèrent à frapper et prendre prisonniers comme traistres tous ceulx qui esloienl de la nation, dont par conclusion ilz en mirent huit en prison qui y sont encores aux fers sans sçavoir pourquoy, sinon que par fortune ilz se trouvèrent à la place. Il seroit aussi trop long d'adjouster icy plusieurs autres exemples qui sont durs à oyr et misérables à veoir. Tant y a, monseigneur, qu'il me semble l'indignation estre si grande etcroistre de sorte tous les jours qu'il fauldra à la fin que ceste apostume crève. Mais pour autant que je suis requis vous escripre qu'il vous plaise donner ordre que les nostres n'excèdent point sur eulx, il vous plaira porter tesmoignage à leur ambassadeur que j'en ay faict le devoir. Et par mesme moyen, monseigneur, il sera très à propos de luy dire qu'il n'est pas raison qu'on prohibe de leurs portz ne qu'on prengne noz navires de guerre comme larrons de mer soubz prétexte de ce qu'ilz ne sont pas soudoyez par le roy. Et si d'avanture ilz les pregnent comme ayant faict aux leurs (sic), qu'on doit premièrement regarder s'ilz ont congié de sortir de vostre lieutenance et en ce cas, s'ilz en font apparoir, qu'ilz n'ont loy de les traicter comme larrons, comme ilz font quinze compaignons qui sont prisonniers à Douvre et les autres que depuis ilz ont pris; qu'en tout événement s'ils ont eu permission de sortir qu'en procédant contre eulx

je y doibs eslre appelé, car estant tout leur peuple acusateur contre eulx, il est bien- raison qu'ilz aient quelque ung pour remonstrer leur innocence; que autrement ils se monstreroient aussi suspeclz juges que leurs gens sont plus souvent faulx accusateurs. Au demourant, monseigneur, que ce n'est pas usage de la neutralité qu'ilz offrent de permettre que les navires flamens soient à Douvre gués tant tous les passaiges et faire commandement aux nostres d'en partir dans xxim heures aussi [lost] qu'ilz y sont arrisvés et quant à ce qu'ils ne veullent que les nostres séjournent en leurs rades et portz,qui regarde Textraict que je vous ay envoyé par mes dernières et il congnoistra sy par droictcela se peult empescher. Finablement que, pour la doulceur et bonne justice dont Ton use envers eulx en France, l'on fne] doibt traicter les nostres avec une rigueur qui est en tout extrême, et par mesme moyen, monseigneur, il vous plaira faire escripre à ceulx qui sont soubz vostre charge qu'ilz advertissent bien les navires de guerre qui sortiront des ports qu'ils n'ayent à s'égarer, ains se tenir en trouppe comme estant asseurez que s'ilz sont trouvez par les navires de ce roy d'estre pris et mal traiclés en sortes toutes s'ilz sont trouvez eslre les plus foibles.

« Monseigneur, depuis cesles escriptes, j'ay entendu qu'on a prins vers Anthonne un autre navire armé en guerre qui estoit là arivé par fortune de temps sans qu'il n'y ait homme au monde qui se plaigne en avoir receu aucun tort, qui est chose, soubz corection, par trop estrange, et mesme de traicter en telle sorte les compaignons qui estoient dedans qu'on tient prisonniers. Monseigneur, après m'estre recommandé très humblement, etc. »

Vol. 5, fo 193 v<», copie du xvi« siècle, 4 p. in-f».