Voir ci-dessus la note 1 de la page 2QI

maistre, lequel Ta bien voulu renvoyer en ceste charge congnoissant que ailleurs il luy estoit inuiille comme celuy qui ne peult aller ny à pied ny à cheval, et pour aultant s'est logé auprès de moy joignant à la rivière, pour avoir commodité d'aller par eaue en ceste court quant les affaires le requerront. Monseigneur, je ne puis obmettre pour le debvoir une gratieuseté digne d'eslre sceue dont le dit seigneur ambassadeur a usé envers moy, qui est de m'avoir adverty de son arrivée aussitost qu'il print icy terre, bien qu'il la celast aux aultres et spéciallement à l'ambassadeur son prédécesseur, dont tout le monde s'est esmerveillé; et s estant excusé de ne me pouvoir visiter avant que avoir parlé à ce roy, pour satisfaire à la cérymonie des angloys, incontinent qu'il eust eu son audience, il veint tout droit de la court me trouver en mon logis sans descendre au sien, en me prévenant de l'office que j'avoys délibéré de faire envers luy, et me dict avoir charge de l'empereur de me communiquer tout ce qu'il feroit par deçà, ce que pareillement je luy confermay avoir eu du roy ainsi que j'avoys faict à celluy qui avoit esté devant luy. Toutteffoys en effect il ne me dict riens avoir dict à ce roy si n'est de l'avoir salué de la part dudit seigneur empereur et luy avoir présenté ses lettres de créance. Depuis nous nous sommes souvent entre visitez pour donner à entendre l'amilyé qui est entre les maistres. C'est en effect, monseigneur, ce que pour l'heure puis escripre, espérant bien tost vous donner ample advertissement de ce qui aura esté résolu en ce parlement qui fut cloz il y a seullement deux jours. » Vol. 4, r> 190, copie du xvi« siècle, 3 pp. 1/2 in-fo.

HARILLAC AU ROI.

Exécutions. 241. — [Londres] 6 août. — « Sire, il vous aura pieu entendre par ce que cy devant j'ay escript l'exécution icy faicte de maistre Thomas Gramvel et du seigneur de Hangrefort qui deux jours après s'en est ensuivye celle des six docteurs dont les troys comme traistres ont esté penduz et traictez en la façon accoustumée, accusez d'avoir aultres foys parlé en faveur du pape, qui se nommoient Pol S Abel ' et le prieur Dencaster '. Les troys aultres ont esté bruslez comme héréticques qui estoient les docteurs Barnes ^, Gagard ' et Hierosme ^ dont certainement le spectacle fut merveilleux de veoir mourir en mesme jour et heure ceulx qui adhéroient aux deux partys contraires, et fut aussi scandaleux pour les