IM

bon escient. De sorte que vous voiez que, en toutes manières, il est nécessaire que vous vous résolviez à ce que dict est , joinct que maintenant vous ne pouvez entrecognoistre vos amis d'avec voz ennemis : car, tant qu'ilz voient que vous estes les plus forts, ou, pour le moins, qu'ilz ne se peuvent dédarer sans hazard, ilz sont masqués et font semblant d'estre avec vous, ou, pour le moins, ilz demeurent neutres ; et c'est cela qui vous ruine et rompt le cours de voz desseings. 11 faut doncques avoir une pierre de toucbe : c'est de subsigner la déclaration de telle sorte que vous aurez moien et occasion de vous fier ou deffier d'eulx.

En oultre, vous donnerez, par ceste déclaration, à tous voz amis et bienveillans occasion et cause de se déclarer de vostre costé. Les princes d'Allemagne, les seigneurs et gentilzhommes de France , mesme la royne d'Angleterre et tous les aultres potentats de la chrestienté, qui par cy-devant ont avecq compassion veu voz misères et afflictions, toutesfois n'y ont voulu mettre la main, car ilz ont tousjours pensé, puisque vous le souffriez volontairement, qu'il n'y avoit raison de vous en tirer bors.

Et, ores qu'ilz considérassent que plusieurs gémissoient soubz le fardeau, et mesme que desjà l'on s'en mescontentoit tout ouvertement, toutesfois il n'y avoit personne qui s'y voulust ou osast fier, pour ce qu'ilz ne voioient nulle déclaration généreuse ni magnanime de voz volontés, et estimoient tousjours que vous vous laisseriez plustost accabler soubz le pied, que de repousser une si inique violence par voie d'armes. Et, quand ilz ont veu que vous avez prins les armes» encor ont-ilz estimé que ce n'est qu'une levée de boucliers et un soulèvement d'une populace, laquelle, ne plus ne moins qu'une vague de mer, s'abaisse et s'appaise, tout aussy tost qu'elle s'est eslcvéc : ce que je vous puis tesmoigner, en vérité, qu'il a plusieurs fois esté mis en avant et ireprocbé, je dis de

princes el de gens de grande esioffe. Mais, quand iiz verront que vous vous estes déclarés de la Taçon susdtete, et qu'il n'y a moien de reculer en manière que ce soit, ce sera alors qu'ilz auront du cœur, et vous ferez qu'en estans requis, ilz ne fauldronl à vous donner toute ayde et assistance, là où, au con< traire y ilz dissimuleront tousjours, tant qu'ilz verront que vous aultres laissez encor quelque lieu à la dissimulation.

Voiez seulement l'exemple de ceulx de par deçà. Je vous asseure bien qu'il y en a une infinité qui jugent que tout cest aflaire qu'avez entreprins réussira finallement en fumée, puisqu'il voient qu'il n'y a nulle déclaration manifeste qu'oblige les uns, aussi bien que les aultres, et qui vous empesche de reculer^ et pourtant, plusieurs font difficulté de s'en mesler, là où, au contraire, quand ilz verront que vous vous soiez déclarés en la façon susdicte, il n'y aura personne qui n'accourre à votre assistence, et vous demeure fidelle jusques à la dernière goutte de sang : oultre ce que, par ce moien, vous vous acquerrez, par tout le monde, une gloire et réputation d'hommes couragieus et magnanimes, et qui sçavez que c'est de maintenir vostre liberté, et d'obéir quant et quant au prince. Vous servirez d'exemple de vertu à tous peuples libres, et de terreur à tous tyrans et iniques oppresseurs de républiques ; et si laisserez-vous et à vostre postérité ung exemple trèslouable et très-utile au maintiennement de leurs privilèges et libertez, ainsi que voz ancestres vous ont laissé, quand îlz ont procédé en la mesme rondeur en toutes leurs déclarations susdictes, et notamment envers le ducq Jehan de Brabant : de façon que vous rendrez à la postérité le fondament de leur liberté ferme et immuable, qu'est Tobéissance qui est deue au prince juste et légitime; joinct que satisferez en cela au debvoir de voz consciences, et de lobligation qu'avez à vostre serment, et au rang que vous teaez, en représentant le corps universel de tout le peuple, duquel vous avez la liberté et salut

comme en dépost, aiam à cest effeot receu à voz mains le serment du Roy, afin de le faire maintenir en tpute rondeur et sincérité, sans aulcun desguisement ou dissimulation:; et pourtant estes lenuz, devant Dieu et tous hommes du monde^ de le faire.

Qui est cause que je vous prie d'y vouloir penser à bon escient, ne faisant doubte qu'aiant bien meurement poisé le^ raisons et considérations susdictesi, vous ne trouviez c^t advis bon et salutaire. Que, si toutesfois vous en jugiez aultrement, je vous prie de penser que cecy ne procède, sinon d'un zèle entier et ardent que j*ay à vostre bien et salut, et à la liberté de la patrie, soubz Tobéissance légitime de Sa Majesté.

Arehlvet des ÂlTairofl étraDgiret, à Parlt : MS. Islilalé Payt-Au, 1569^1583, fol. 194-301 (>).

(') Ce manuscrit 9 auquel j*ai fait, comme on le verra, plusieurs autres emprunts, paraît être du commencement du XVlIc siècle ; il a 150 feuillets cotés des n»* 131-280.

DLXIV