LE PRINCE D'ORANGE AU CONSEIL D'ÉTAT
11 leur recomniaode le colonel écossais Balfour que les états de Hollande et de Zélandc ont remercié de ses services, et qui a encore avec lui douse eompagnies en bon ordre (*).
MlDOStMOaO, 1«r nOTIMBlB 1576.
Messieurs, comme il a pieu ce bon Dieu regarder tellemeni les pays de par deçà en miséricorde, que les remeetre par ensemble en paix et accord, les estatz d*HolIande, pour aucunement se relever des charges jusques icy par eulx supportées, ont esté d'advis de casser le couronnel Henry Balfour, escossois» qui a encoire douze compaignies escoissoises en bon ordre et bien armées, prestes à s*en retourner en leur pays, si avant qu'on n'ayt plus à faire de leur service par deçà. Or , d'aultant qu'il seroit dommaige de laisser perdre tant de. bons hommes, et que ledict Balfour s'est, tousjours et en tous lieux et occasions qui se sont présentées, fort bien et vaillamment porté, et tenant ses gens en bon ordre et discipline, j'ay esiymé fort à propos de vous en faire ce mot , pour vous rendre ce tesmoignaige de luy ; et, comme je m'asseure bien vous vquldriez servir des meilleurs et plus expérimentez gens de guerre
(I) On lit, dans les RéêohUionê de$ étaUgénèrauXy 1. 1, p. 96, & la date du 5 novembre : « Que ceulx du conseil de la guerre donnent advis sur la lettre
• du prince d^Orainge, touchant de retenir ou non retenir en senrice le
• couronnel Henry Balfour, cscoissois, avec douze enseignes escoissoises en
• bop ordre et bien armées. •
Les états généraux prirent, en effet, à leur service le colonel Balfour. (Grobii van PaiNSTBRBa, Archivée, etc., t. V, p. S55.) EniS$79, cetolBcier était, avec son régiment, dans Maestrichl. (ihid., t. VI, p. 531.)
que pourriez recouvrir^ j'ay bien voulu envoyer le susdict Balfour vers vous, afin que, si le trouvez bon et ayez à faire de son service, vous puissiez convenir avecluy, pendantque ses gens sont encoir par deçà. J'en ay aussy parlé au S' Jehan Thaon, qui va en compaignie dudict couronne!, et vous en fera plus ample ouverture. Je vous prie Tavoir pour recommandé, pour Tamour de moy. Et, en tout aultre endroict où j*auray moien de m'eraployer pour vostre service, je le feray d aussy bonne volunté que je me recommande bien affectueusement en voz bonnes grâces, priant Dieu vous donner, messieurs, en bonne santé heureuse et longue vie. Escript à Middelburch, ce premier jour de novembre 1 576.
Vostre bien bon et très-affectioné amy à vous faire
service,
GuiLLE DE Nassau.
Sttscription : A messieurs messieurs du conseil d*Estat de Sa Majesté, à Bruxelles.
Original, aux Archives du Royaume : UUre» de et à Gwttawme de /VaMa«, t, V.
DLXV.
LE PRINCE D'ORANGE AUX ÉTATS GÉNÉRAUX
Il dédait au long le^ raisons pour lesquelles il serait dangereux de traiter d*une cessation d*arnies avec don Juan d*Âutricbe. Il n^est pas contraire cependant i toute négociation ; mais il voudrait qu*au préalable, don iuan fit retirer les Espagnols, restituât les pririléges, et approuTât tout ce que les états ont fait. — Il engagera les états de Hollande et de Zélande à envoyer leun députés à Bruxelles. —lia, selon le désir des états géné^ raux, fait partir pour Gand quatorze ou quinte eomptgnies.
MiDùiLBOOae, fi hotimbu 1S76.
Messieurs, j'oy receu vostre lettre dotée, du dixiesme de ce présent mois, par laquelle désirez enlendre mon advis sur la cessation d'armes que l'on vous a mis en avant de la part de don Joan d'Austria, suyvant les lettres qu'il en a escript h messieurs du conseil d'Estat, ensamble et celle que Roda escript à monsieur le duc d'Arschot, desquelles m'avez envoyé les copies, et ce affin de pouvoir donner responce uniforme auxdictes lettres, convenablement à l'union et concorde desja entre nous conclue et arrestée. J'ay aussi poisé les raisons et motifz pour lesquelz il semble advis qu'il y auroit raison d'entendre à ladicte cessation. Or, après avoir le tout miz en meure délibération, je trouve, soubz correction de vous aultresy messieurs, que l'effect de ladicte cessation est plain de dangiers, qui nous menassent touts ensemble de ruine cer* taine, car il est assez aysé à entendre, mesme par les lettres de Roda, que ce n'est le bien et repos du pays qu'il cherche par ceste cessation d'armes, mais que son but estoit de faire lever le siège de Gand et Valenchiennes. Davantage, est à considérer que, par ladicte cessation, nous rendons les forces
de noz ennemis gaillardes, et les nostres entièrement foibles et abbatues : ear il est certain que, sy on la leur accorde, ilz rendront cependant toute diligence possible de transporter leurs butins pillez de la ville d'Anvers à Maestricht, et de là ne feront faulte d'envoyer incontinent en Allemaigne, pour en tirer prompt secours, lequel, partie par argent, partie par raucthorité du nom dudict don îoan, ne leur manquera point. D'aultre cosié, ledict don Joan aura moien et loisir de practiquer et gaigner, ou pour tout le moins refroidir les princes et potentatz voisins : à quoy il n'obliera d'emploier tout son esprit et toutes forces possibles, et, cependant, nous amusans soubz la couleur de cessation d'armes, ne se laissera de se préparer, tant en Allemaigne que ailleurs, pour nous courir sus, en voyant l'opportunité : comme aussy est à craindre que voz soldatz, estant oisiffz et sans faction, seront aisezi estre gaignez par ledict don Joan; voire et. plusieurs aultres qui à présent ne sont de tout résoluz, se trouveront esbranlez par les ruses et practiques des promesses, menasses et aultres allèchements : joinct qu'en général tout le peuple, oyant ce nom de cessation d'armes, estimera pouvoir desjà jouir de quelque relasche, et, comme s'il estoit en paix et hors de tout danger de guerre, ne fauldra de s'endormir et se rendœ tant plus froid et moins volontaire à furnir aux nécessitez de la guerre : au moien de quoy, il s'exposera à toutes invasions de l'ennemy, ainsy que desjà plusieurs fois j'ay trouvé, par expérience, que tousjours il en advient, quand il est question de semblable cessation. Et, en oultre, ledict don Joan fera cependant pourveoir les villes d'Anvers, Maestricht et aultres de vivres et toutes aultres nécessitez qu'il fauldra pour la guerre, dont, maintenant, ilz ne sont pas beaucoup pourveuz. .
Voilà pourquoy j'estime ceste négociation de trefves estre fort dangereuse. Et toutesfois, pour ce que les raisons par vous alléguez de l'aultre costé sont aussy de grand poix et
considération^ il fault incontinenl, pour y pourveoir, donner Tordre requis et convenable à la fortifleation et deue garnison des villes d'importance, lesquelles, puisque Dieu nous a faict la grftce de prendre le chasteau de Gand, j'estime se poulront bien garder avec les forces que nous avons^ quant elles seront bien réparties : par où mesme nous leur poulrons donner grand empeschement de se pourveoir des choses nécessaires, estans tousjours sur noz gardes, et prévenans les desseingz dudictdon Joan, et surtout mectans .ordre, en toute diligence, que nous soions asseurez de la ville de Luxembourgh et Thionville, ainsy que j'ay touché en mon advis concernant le faict de don Joan, puisqu'il nous emporte, par-dessus toutes aultres choses, de les avoir entre noz mains, avant que l'on y pourveoye, ou que l'on nous este les moiens, chose que nous seroit grandement préjudiciable. Et toutesfois, nonobstant ce que dict est, je ne serois hors d'opinion de traicter avecq ledict don Joan, pourveu que, préallablement, il ait à faire retirer les Espaignolz, et nous ait donné asseurance de noz privilèges et libertez, en approuvant tout ce qui a esté faict par les estatz. Mais, avant de traicter, y fauldroit en veoir les effectz, car, aultrement, je crains que sans doubte nous tomberons aux inconvénients susdicts.
Quant à ce que requerrez que j'envoie quelques-ungz des estatz de Hollande et Zeelande, je ne fauldray à fajre toute diligence pour envoîer en Hollande, affin qu'ilz en députent quelques-ungz à cest effect.
Suyvant que m'avez escript touchant l'envoy de quelques compaignies, je n'ay volu faillir dy satisfaire, et, à cest effect, en ay envoyé quatorze ou quinze compaignies , lesquelles , cejourd'huy ou demain, seront toutes à Gand, vous priant de prendre bon couraige. ne doublant poinct que Dieu nous donnera l'îàsue désirée, faisans chascun nosire debvoir. Qui est l'endroict où. après avoir présenté mes bien affectueuses recom-
mandations à voz bonnes grâces, je prie Dieu vous donner, messieurs, en santé bonne vie et longue. Escriptà Middelburgh» le xiiij" de novembre 1576.
Vostre très-affectioné amy et patriot à vous faire service,
GuiLLE DE Nassau.
Su9cription : A messieurs messieurs les députez des estatz du Pays-Bas, assemblez à Bruxelles.
Copie da temps, aux ArchÎTCS de la ville d*Ypret.
BIXVI.
LE PRINCE D'ORANGE AUX ÉTATS GÉNÉRAUX
Il leur envoie le S' Charles de Beaolieu, afîo de connaître leurs intentions sur le libre passage des bateaux allant vers Flandre et Angleterre, ainsi que sur le fait des licences. -^ Il les prie de faire fournir Tëtain nécessaire à la fonderie de H alines, pour la confection de serpentines et de fauconneaux.
MiDDBLBOUaO, 10 DéCBMBaB 1576.
Messieurs, estant journellement iey sollicité, de plusieurs marchans et aultres personnes, aussy de quelques Anglois, Portugais et Italiens, de pouvoir mener leurs biens et marchandises qu'ilz ont encoires en Anvers, vers Flandres et Angleterre, pour, par ce moyen, les saulver des mains des Espaignolz, et précaver qu'une aultre fois ilz ne leur soient ostez, et que aultres aussi, sans le demander, passent journellement plusieurs batteauh avecq leurs biens d'Anvers O^ en quoy l'on me rap-
(>) Ce passage est iniQtelligîble; il doit avoir été mal copié dans les deux manuscrits.
porte qu'il y a plusieurs biens appertenans auxdicts Espaignolz , et ne veuUant de ma part rien disposer en cecy qui pouroit tourner au préjudice de la généralité du pays, j'ay bien volu envoyer vers vous le sieur Charles de Beaulieu , présent porteur, pour vous remonstrer ce faict plus particulièrement, et vous prier que, Payant entendu, et mis l'affaire en bonne considération, me veuillez sur tout par luy mander vostre bon advis, affin que je sache comment en cecy me reigler.
J'ay de mesme donné charge audîct de Beaulieu de vous parler du faict des licentes, vous priant aussi d'y adviser, et r^rder quel pied on y pourra prendre, remectant la reste des affaires aux députez d'Hollande et Zeelande, lesquelz j'espère seront de bien brief prez de vous.
Donc, n'estant ceste à aultre fin, je vous présenterai icy mes très-affectueuses recommandations en vostre bonne grâce, priant Dieu vous donner, messieurs , en bonne santé heureuse ei longue vie. Escript à Middelbourg, ce x* jour de décembre 1 S76.
Vostre très-affectioné amy et patriot à vous faire service,
GuiLLB DE Nassau.
P. S. Messieurs, comme Roger Lestimmer, commis à la garde des munitions à Matines, m'advise, par ses lettres, que quatre demy-serpentines et six faulconaux se laissent è fondre, à faute de huit cent livres d'estaing, il plaira & mesdicts seigneurs faire ordonner de les achepter, pour faire fondre lesdictes pièces, et de mesme donner ordonnance de les monter incontinent, qui viendront fort bien à propos.
Copie du XVIII« siècle, i la Bibliothèque rajnle, HS. n» U2W, fol. 34, et du XVII* siècle, dans le MS. a» 7223 de la même Dibliothéqae, rol.79.
