Pour raison du lieu, comme pour la demeure

^ Le Ms. portait primitivement my, le premier jambage de Ym a été gratté.

LBS U8AIGBS ET ST1LLB8 DU PAIS d'aRJOU. 80

du deSendeur ou du lieu duquel on lui lait demande, quant ilz sont hors de la juridicion du juge, ou du ressort du juge, comme en regale, ou en autre povoir.

34. Pour raison des personnes, qui se puet entendre en deux manières : L'une pour cause de la personne du Juge quant il est favorable, ou suspect par cuidance prouvable ou apparoissant^ comme par lignaige, affinité, par don, par hayne de hayne injurieuse, quant la cause ou partie d'icelle est à son prouffit, ou quant il est coustumier de tencer, ou injurier partie, ou s'il a esté advocat en fa cause, il ne sera point juge en icelle cause en la court où il en aura esté advocat, ou s'il a en icelle usé de son office, ou si le terme dedens lequel il en de voit congnoistre est passé.

35. L'autre manière par raison de la personne du deflfendeur, comme s'il estoit prestre ou clerc non marié es causes personnelles, ou clercs mariez en causes de crimes, ou en ce qui en deppend, mais qu'ilz aient tonsure et habit, autrement non; car en toutes les autres actions lesdiz clercs mariez respondront en court loye. Qui récuse juge comme suspect doit alléguer davant celuy juge la cause de la suspecon ; lequel doit contraindre les parties à eulx accorder en aucun proudomme non favorable, par davant lequel la cause de la suspecon sera prouvée dedans terme advenant. Et icelle non prouvée dedans ledit terme, ledit juge u«era de son office.