LES USAIGES ET STILLES DU PAIS D ANJOU

72. Si parties conjoinctes ne sont toutes présentes faire cesser des presens pour les absens. Quant héritiers sont adjournez simplement pour reprendre ou délaisser procès, on ne cesse point des presens pour les absens, mais fault que chascun repreigne pour telle porcion comme il est héritier.

73. Si en cause de retraict, de peine commise, de méfiait dedans termes, de trêves enfraintes, en cas d'appel, en interrupcion pour nyer ou congnoistre son saing manuel, ou n'est adjourné nommément et declarement en celles demandes ; et doit Ton estre adverty d'avoir recours au premier adjournement de retraict ou de interruption, affin que si tenement se passoit avant la déclaration de la cause que les adjournez ne fussent receuz à jurer point de jour.

74. Si adjournemens sont baillez à autres personnes que a Tomme^ sa femme, ou son procureur, son clavier ou claviere, son filz aagé demeurant avecques luy, à laisné filz ou aisnée fille entre les nobles, aux pièges par commission de juge es causes où ilz sont pièges, à son senneschal tenant ses plez, son receveur, son sergent, lesdiz officiers du lieu duquel lieu ladjourné soyt subget du seigneur qui luy a fait bailler adjournement.

75. Qui a exoine de maladie de soy, de son père, de sa mère, de son enfant, de sa femme, son oncle, son nepveu en péril de mort, de femme grosse près d'enfanter, ou gisant d'autre maladie, de eaues desrivées, ou de tempestes, de ports brisez quant on ne puet passer ailleurs, d'adjournemens preallables en court suze-