De ce meimes

Et se le sires est baron, il doit nommer la court du Roy, ou la court de deux autres barons ; et l'orome si prendra la quelle que il voudra des trois.

Et se le sire est vaasseur, la bataille sera en la court au baron de qui il tendroit, se il puet montrer que le sire li ait fait grief.

La Glose. Se le sires est baron. Cest titre dépent de l'autre.

// vouldra. Ainsi povez veoir que il est ou choys de Pomme, non pas du seigneur.

Il ne raconte ci riens lequel des deux sont appelleurs ne deflandeurs.

Hz tendront. Voire se ilz tiennenfd'un meismes seigneur.

Grief. Dont sera elle conformée ou cassée par hiy.

» lib. b, tu. i .

D*ANiOU ET DU MAINE. 235

44 . De montrer son fié à son seigneur lige, et (jle celer son fié par la monstrée, et quelle amende il en istK

Se le baron semont son homme que il li monstre son fié, il li doit mètre terme de xv jours et de quinze nuiz ; et Tomme li en doit montrer ce que il en saura. Et se le vaasseur avoit homme qui ne Touseist estre venu, le seigneur li doit aider à pourforcier à le faire venir.

Et après quant le sire ara veu son fié, il demandera à son homme : « Je vous demande se vous avoez à , tenir de moy ce que vous m'avez monstre, et se vous en tenez plus. » L'omme puet dire : « Je demande à avoir mon enqueste telle que je devroy ; car je n'en suy pas bien certain ne informé. » Le sire li doit donner xl jours et XL nuiz de terme de soy enquerre par droit.

Et après l'enqueste, se Tomme dit à son seigneur : « Je n'en trouve plus, » le sire li doit demander se il vieult droit. Et quant Tomme ne li a monstre fors ce que Tenqueste contient, si li puet le seigneur esgarder par jugement que il de puet plus tenir de luy fors ce que il a monstre.

Et se le sire en savoit aucune chose plus, et deist à son homme : « Je veil que vous aïez perdu le fié que vous tenez de moy, car telle chose en est, » et nommeroit quoy, « et ne la m'avez pas monstrée ; » et se Tomme disoit : « Sire, je ne le savoie mie, et en feroy ce que

* Ou en sort, addition d'une écriture cursive du quinzième siècle.

836 LES C0D8TDMI8 GL08ÉIS

je devroy, » si doit l'en esgarder que il jurera sus sainz que il ne le savoit pas que ce en fust au jour que il rendit l'enqueste. '

Et ainsi demouroit au seigneur ce que plus en auroit trouvé.

Et se Tomme n'osoit faire le serment, il perdroit le seurplus, c'est à dire son fié ; car il sembleroit que il le vouseist embler à son seigneur.

Et ainsi seroit de tout seigneur qui auroit homme de foy, si le cas y avenoit.

Là Glose. Se le baron semont, etc... C'est à dire fait adjoumer ses hommes de quelque estât que ilz soient.

En tendra. Autrement celui qui monstre perdra son fié.

Homme qui est adjourné pour montrer son fié. Pour-forcier. Voire il li doit aider à les pourforcier. Mes je demande comment l'en les doit pourforcier : par adjournement et par ordre de droit. Et se ilz n'i voulient venir, le seigneur les puet faire adjoumer par tant de foiz comme coustume et droit le requiert.

Et pouroit faire le seigneur sa gaigne par défiantes contre son homme.

L'enqueste faicte , se l'omme dit à son seigneur : « 6e n'en tien plus, » adonc le seigneur li doit demander se il vieult droit. Et quant son homme ne li a plus montré après .l'enqueste, le seigneur li puet esgarder par jugement que il n'en puet plus tenir de luy.

En est. Il doit nommer de quoy.

Bewray. C'est offrir sa deffanse.

Jurra. Einsi povez veoir que il s'en puet espurger par

D'AlfJOV ET DU MAIlfR. 237

son serment. Et ad ce fait la loy C. de hits qui ad ecclesiam confugiunî, L presenti, etc. *.

Quant. C'est à dire au jour.

Ce que il aura trouvé. Voire ce que Tomme li aroit celé à louz jours mes. Einsi povez veoir que fraude et tricherie ne deivent à nul porter proufît, ainz dommage, Ex., de dolo et contu. c. ex literis, in fi '.

Son fié. Voire tout : qui plus méfiait plus doit estre pugny.