De home qui ne vieult rendre achat de héritage

Si ensi estoit que un home achestast héritage d'un autre dont le lignage demandât à avoir l'achat par retroit, et offrir les deniers à rendre que Tacha aroit cousté, et deist : € Comptez bien touz les coustemenz, et ge les vous rendre ; veez ci l'argent ; » et se celuy ne vouloit prendre l'argent, et il meist l'amendement en le héritage après, ou de vignes, ou de prez, ou de maisons faire, ou d'autres amendemens, celui qui li avoit fait l'offre des deniers par devant justice ne li seroit pas tenu à rendre les amendemens que il y auroit faitz ; aincois aroit l'achat o les deniers païant que l'autre y auroit donnez.