De retroit de héritage que Fun frère vent à autre

et aussi cousins à autre.

Si trois frères estoient, et l'un des frères vendeist à l'autre, et le tiers qui n'aroit vendu ne acheté demandast sa part, c'est à savoir la moitié de l'achat à avoir par retroit, il Tauroit en païant sa part des deniers, pour quoy l'autre n'eust pas tenu l'achat an et jour sanz chalange, luy présent ; car se il n'i eôtoit, et il veneist dedanz après l'an et le jour passez, et jurast que lantost que il scut la vente il vint au pais ; mes il n'aroit nul desfrez*.

Et se leur père vendoit, et aucun des enfanz fust o luy et beust sa part du vin de marchié, il n'en aroit, pas le retroit.

Et se le père vendoit, et aucun de ses enfanz retraisîst ad sceue des autres, les autres ne lesseroient jà à avoir leur part de l'achat par relroit en païant leur part des deniers : mes que il ne teneist an et jour à sceu de eux ; car se il tenoit ainsi an et jour, ou il les aroit requis de retraire comme luy et ilz deissent que ilz ne pouroient, ilz n'en auroient riens par droit.