LXXXII. D'ESSOINES
1. Les essoines sont fêtes en ceste manière : il s'essoine premièrement de maladie qui li est prise en la voie de la cort ou de mal resseant.
1 Texte latin : assignanda est 2 G. place ici la rubrique du inspectio ienementi. chapitre LXXXII.
2. Se il s'essonnie de voie de cort, il le puet fere par un home quil die ou il gist e qui di[e] que il venoit o lui. E de celui doit l'em prandre bons pièges d'avoir son segneur a jor; se li assignera l'en jor avenant; quar il se porra essonier autre foiz.
3. Se il s'essonie de mal res[s]eant, il le doit fere par ij. homes; e si convient que il s'offrent le jor devant al sergent de la cort. E au jor cil dui essonieeur seront oï 0 celui qui essonia la voie de cort; si leur metra l'en jor avenant a avoir lor segneur. E a cel jor se porra il encor essonier de cele meisme maladie e fere le savoir le jor devant al sergent de la cort; e cil qui l'essonieront amenront o els les premiers essonieeurs^; e a cel jor commandera l'en que li malades soit veuz par iiij. chevaliers al ^ mains e par vavassors qui aient recort ; e se il truevent le malade, il li assigneront terme jusqu'à un an e un jor que il jurt langor.
4. La forme del serement est telle : il jurra que il est si malades que il ne puet venir a cort e que il ne vestira braies en sa meson, ne n'istra de son menoir devant que il viengne a la cort por offrir soi comme sains,
5. E se l'en trueve que il em face autre chose, il sera em péril de perdre la terre qui li est demandée, se elle a esté veue ou prise en la main lé roi par cort qui oit recort, si comme il fu dit devant; quar nule defaute ne nule essoine ne vaut devant la veue de la terre, fors
1 G. as.
par cort qui ait recort; mes defaute, qui est fete en cort qui porte recort, toft possession. Essoine, qui ne puet estre salvee ou par que li essoniez ne pueit estre salvez, vaut autre tant comme defaute.
6. Se li chevalier le voient sain ou il doutent de sa maladie, il li assigneront jor a quinzainne aP mains, e a ce jor est il tenuz de venir i ou a fere si aporter por avoir le jugement de la cort; e lors soit pris de lui li seremenz de langor en la devant dite forme ou, se il ne le veut fere, il respongne maintenant.
7. Quant li anz e li jorz est passez, il est tenuz a venir a cort e a respondre ou par soi ou par procurateur que il atort en cort, e cil atornez ne pueit fere essoine ne defaute, se ses sires en a tant fet que il n'en puet plus fere; ne en une cause ne puet l'en fere que une langor.
8. Cil qui se sera essoniez [e] avra esté veuz ainz que il oit fet toutes ses essoines, il ne se porra puis essonier.
Se aucuns a commencié ses essoines par mal resseant, ja soit ce que il se soit essoniez trois foiz après ce que il avra esté veuz'par chevaliers, il se porra encore essonier une foiz de voie de cort sanz plus.
9. Quiconques sera essoniez e avra salvé ses essonnes par la loi qui est escrite devant ou il avra amendé a la cort, il ne porra pas recommencier ses essoines, se il ne jure langor; mes quant la bataille est gagiee, les essoines porront estre recommenciees sanz langor.
1 G. as.
LXXXIP''. De la Gort as segneurs.
1. Quant la terre qui est demandée a esté veue, la cort doit estre randue au segneur del fieu, se il la requiert, e si li doit l'en commander que ill i maint la querelle par droit ; e se il ne le fet, chascune des parties puet forsjurer sa cort e dire en sa cort la cause del tort fet ou de la defaute e avoir en tesmoing. E en ceste cort pueent estre fêtes essoines e defautes.
2. Li segneur pueent avoir leur cort de leur homes qui sont acusé de larrecin jusqu'al forsjurer la terre.
LXXXI^^^ De la Cort le rol
1. De cens qui sont diffamé ou fuitif apartient la cort au roi e de cens qui sont pris a larrecin.
2. Et quant la defaute ou li torz fez de la cort al segneur est provez, la cause revient a la cort le roi o les essoines e o les defautes, se il i a eu langueur.
