LXXXIII. De Garant

1. Aprèfs] la veue puet li tenanz nomer son garant; e se il ne velt venir au jor qui est assignez, il sera justisiez tant que ill i viengne e le garantisse ou il li faille. Einz que il le garantisse, la chose sera veue se il la doit garantir. E après la veue, se il la doit garantir, il est

tenuz a délivrer li; e se il s'en défaut, cil qui l'a treft a garant pert la possession, e l'en doit enquerre sanz délai se il li a failli a droit ou a tort? Se il li a failli a tort, il est tenuz a randre li son damage.

2. Autresi est il del secont garant e du tierz ; mes se li tierz nome le quart, il convient que il le desfande ma[i]ntenant que li tenemenz sera veuz; qar outre le quart ne puet l'en nomer garant. Ce a lieu neis en la chose emblée, qui en jugement doit estre mostree a ces qui sont nommé a garant.