LXXXIV. De Partie d'eritage entre frères

1. Li tenemenz a l'encesseur doit estre depa[r]tiz egalment entre ses oirs, se il n'est fet autrement par commun assens. E se aucuns des oirs est en aage e li autre n'i sont pas, la partie sera tenable quant a cels qui sont en aage ; mes cil qui estoient dedanz aage la porront rapeler quant il vaudront en aage; se il atandent j. an ou plus puis que il seront en aage, il ne le porront puis rapeler.

2. Cil rapellemenz pueit estre fez malgré a celui qui a le plus joene en garde, e se les parties a aucun sont amandees ou par herbergemenz ou par plentes, les parties doivent estre rapelees avenantment qe il n'i soient damagié.

3. Li ainznez avra torjorz le chois, se il veut; e se il ne velt choisir, la justice choisira por lui e dorra as autres leur parties.

4. Se il a en l'eritage baronie, ou fie de hauberc, ou sergenterie, ou autre terre qui ne soit pas partable, e ill i a escheoites, il sera en la volenté a l'ainzné d'avoir la terre qui n'est pas partable ou les escheoites, e li autre avront ce que il ne choisira pas. Se ill i a ij. fieuz de hauberc e escheoites. . . e li seconz^ autresi, e li seurplus remaindra . . . E se il n'i a que un sol fieu , li ainznez l'avra e fera as autres livroisons tant comme il vivra selonc la quantité del tenement.

5. E se aucuns des oirs se plaint de son ainzné ou de celui qui tient l'eritage e il en demande partie , cil qui tient doit estre semons a cort. E quant il est en cort, li juges li demande se il est frères ou cousins a celui qui se plaint de lui; e se cil nie que cil n'est pas de son linage, enqueste en est lors fete par les leaus homes del visné. E se li seremenz dit que il soit del lignage e que il est des oirs a celui qui li héritages fu, il avra sa partie sanz nul empeeschement; e sanz nule veue fere, il avra par le serement des voisins la possession son encesseur; mes l'en enquerra se il est partables^, se il a doute seur ce.

6. Cil qui tient dit aucune foiz contre celui qui demande que a tort li demande; quar il a eu por sa partie terre que il li mosterra bien; e seur ce convient il que il oit tesmoing en cort qui offre a prover le. E se li autres le nie, l'en assignera la veue de la terre par que cil qui tient se velt desfandre, e a celle veue doivent estre li voisin; quar il jurront après se cil est ou a esté em

^ G. secont. 2 G. profitables.

possession de la terre qui a esté mostree. E se li seremenz dit por celui qui tient, il sera délivrez; se il est contre lui, il sera maintenant condampnez.

LXXXIV^^^ De Bataille.

1. Se li jureeur en doutent, la cause sera terminée par bataille, e lors avra li sires del tenement sa cort jusqu'à la defaute, si comme il est contenu el chapistre Des delaiemenz, E se li tenemenz est tenuz de pluseurs segneurs, nus d'eus n'avra la cort; ainz sera la cause terminée en la cort le roi. E quant vendra au prover par bataille, cele cause avra toz les respiz qui sont escrit^ el titre Des delaiemenz en essoines e en defautes e en langor; mes l'en n'i puet pas nomer garanz.