LXXXVII. De Fieu e de gage

1 . Il avient aucune foiz que aucuns clialenge son héritage comme celui qui a esté engagiez ou par li ou par son encesseur. En ce cas doit l'en aler avant selonc j. brief qui est fez en ceste forme :

Li rois ou li senechaus mande saluz a tel bailli. Se A. done plege de porsuivre sa clameur, semon par bon semoneeur xij. leaus chevaliers e les homes del visné que il soient en la première assise de ta baillie aparellié a requenoistre par leur serement se la terre, que B. li de force a Baieues, est fieuz ou guages engagiez puis le coronement le roi Richart, e por combien il fie engagiez.., e puis autresi comme el brief devant.

2. Toutes ces causes aient leur delaiemenz e une seule langueur. Mes il covient que li jureeur s'acordent, si

comme il a esté dit; autrement covandroit il recorre a prover [par] la bataille \ e lors adroit li sires del fie sa cort, si comme il fu dit el titre Des delaiemenz.

3. Se li requenoissanz s'acorde que ce soit gages e nom pas li fieuz as tenanz, li rois avra les deniers que li demanderres e li jureeur nommèrent, e cil qui est conyaincuz sera en la merci le roi e li autres, por qui le seremenz avra esté, avra sa terre sanz contredit.

LXXXVIIP.

1. En cause de fieu e de ferme, e de fieu e de prest, e de fîeu e de garde a autretel brief e autretel pleit.

2. Autresi fet l'en en cause de fie e d'aumosne, fors en tant que lais ne puet pledier encontre yglise de chose que l'iglise a porsise em pes par xxx. anz. Cest previliege a yglise d'ancien tens, e orandroit usent li lai d'icel meisme previliege par une novelle istitucion qui a esté fete en l'Eschequier.