VII. De Jurée

1. Que li puissanz ne face al non poant e a l'innocent outrage, il est establi que par la jurée de xij. leaus homes del yisné sera mostree la sesine au pere tele comm' il l'avoit le jor que il morut.

2. La jurée soit fete par homes qui ne soient cosin ne home a l'une partie ne a l'autre, e si n'i ait nul qui ait haine vers aucune des parties ; li jureeur soient esleu par la justice.

3. Encore a il esté establi que, autresi comme force ne doit pas estre fete seur l'orfelin, qui est en la garde sainte yglise e en celle au duc, autresi se li orfelins velt entrer par force en autrui héritage e tenir le tant que il viengne au tens que il en doie respondre, il ne le puet pas fere; quar il ne doit pas fere force autresi comme il ne velt pas que force li soit fete; einz sera requeneu par le serement as xij. leaus homes del visné savoir mon se ses pères en estoit sesiz e vestuz al jor que il morut.

4. Tant comme li orfelins est en la subjection e en la garde d'aucun, nule chose n'est ferme qui soit fete de son héritage.

4. Tant comme enfant est en subjection et en la garde d'autrii n'est pas chose ferme ne estable qui soit faite de son héritage

1 F. autrui. 2 F. aj. par lui.