IX. De la Partie as suers

1. Tuit li tenement seront parti egalment se il avient que il descendent as suers, neis cil qui en autre manière ne pueent estre parti, si que l'ainznee suer ayra le mestre manoir e les autres suers tendront de lui.

2. E se il sont trois suers ou quatre ou plus e l'une ou les ij. sont mariées e les autres non, se les mariées vuellent avoir parz es escheoites o les autres qui ne sont pas mariées, leur mariages revendra a partie e sera partiz egalment o les escheoites, si que chacune mariée avra son mariage ^ . . si comme il es toit au jor que sa suer fu mariée.