XV: Des Chemins

1. Li conte e li baron e li chevalier, qui avoient la garde des chemins en leur terres, trestoient malement les marcheanz e les autres, qui passoient par les chemins, e toloient as innocenz e a leur primes leur deniers, ne ne se recordoient pas des commandemenz Nostre Segneur qui dit : Tu ameras tom prime si comme toi meisme^; il establirent felenessement e deslealment en leur terres paages e treuz, qui por ce que il furent establi^ des pieça ne pueent pas estre abatu del tout.

Por eschiver tel force e tel toute li dus, qui doit governer tôt le pueple, gardera les chemins si em pes que se aucuns as[s]aut autre en chemin e il li fet sanc e plaie e il est pris, il l'espeneira par les membres, e, se il l'ocit, il em perdra la vie.

2. Se aucuns est navrez en chemin, il porra prover son sanc par bataille de sa main ou par autre qui estoit 0 lui, qui vit le mesfet; li navrez ou ses aversaires si deliverra par.serement selonc la loi du païs.

3. E se aucuns est navrez dedanz la banliue, li malfetors se deliverra par son serement e par celui a xlviij. homes selonc la costume.

1 G. meismes. 2 Gr. establiz.

4. Se marcheanz qui passe par chemin doit a aucun, ne il ne sa marcheandise ne seront pris par chemin, fors par la main a la justice le roi; mes, se il doit, en son ostel si rende.

5. Nus homs n'ost prandre d'aucun ne por treu, ne por paage, fors ce qui fu pieça establi, qui ne pueit egtre abatu.