XVI. D'Assaut de porpris e de charrue

1. Se aucuns assaut home dedanz le porpris de sa meson e il li fet sanc o arme esmolue, il l'espeneira par les menbres; se il l'ocit, il en recevra mort.

2. Autresi a la charrue. La charrue doit estre en la pes le duc e en sa desfansse; il garde cels qui la mainent. Li guaengnierres ne soit pas destorbez d'arer, ja soit ce que aucuns ère a tort en autrui terre.

3. Se li puissenz^ costive a tort la terre al^ moins puissant, cil qui la terre est s'em plaingne, e se li guaengnierres est atainz que il oit fet tort, cil a qui la terre apartient avra sa terre aree ou semée : ce est donc profitable chose que l'areure ne soit pas destorbee; e li gaengnierres, qui ara a tort autrui terre, Tamandera par son chatel en la cort au segneur selonc la costume del païs.

4. Se quens ou barons ou autres puissanz homs velt tolir terre par coYoitise a son home ou a son voisin, il

1 G. puissent.

2 G. as.

ne le porra pas fere; quar il sera requeneu par le serement de xij. leaus hommes li quiex en ot la derreniere sesine; e se li puissanz hom[s] est convaincuz de la sesine ^ il remeint en merci de toz ses chatex, e li autres a son héritage.

5. Autresi, se li mains puissanz ère la terre au plus puissant, la charue ne soit pas destorbee; mes, si comme nos deismes devant, la sesine del derrenier aost sera queneue par le serement a leaus homes del visné.