XXX. Del Segneur qui ne feit droit a son home

1. Se aucuns sires ne yelt fere droit a son home en sa cort e il a eu le commandement le duc ou a sa justice de fere li droit, li lioms gagera defaute envers son segneur, se bataille n'en a esté gagiee; e celle defaute jurra il o ij. autres homes en la cort son segneur, e puis sera li plez en la cort le duc per a per entre le segneur e son home.

2. Se li sires tient la terre ou le fie de que li contanz est d'autre segneur que del duc e li sires de qui il tient Yelt avoir sa cort de ce plet, il ne l'avra pas; quar li homs mosterra la defaute en une seule cort.

3. E se aucuns se plaint d'un autre en la cort le duc avant q'an la cort au segneur qui homs^ il est, e jorz est as[s]is a l'une partie e a l'autre par la justice au duc, e la veue de la terre est fete, e dedanz le jor, qui est assis après la veue de la terre, nus ne requiert la cort, se il la demande al jor qui est as[s]is a pledier, il ne l'avra pas. Cez defautes sont establies por la desleauté ou por la folie au [s] segneurs.

1 G. hoyne.