XXXVI. Des Pes fuitisi

1 . Li dus ne puet fere pes d'omecide envers celui qui Ta fet, se il n'est avant reconciliez as amis a celi qu'il ocist.

1 Les rubriques des ch. XXXVI et XXXVII sont interverties dans G.

2. De larrecin, de murtre. de traïson, d'arson de meson par nuit, de roberie ne puet nule pes estre fete o cens qui en sont convaincu; mes se il sont pris, il soient pandu, ne li dus, ne sa justice n'em praingne deniers.

3. Neporquant se cil malfeteur sont de noble lingnage e aucune gent de religion les requièrent a estre en leur religion, si comme a servir toute leur vie au Temple e a rOpital, il le[s] porront avoir par l'otroi a la justice.

4. Se li homicides puet aquerre la pes as amis a cels que il a ocis, ce ne vaut riens se il n'a la pes le duc. E se il a pes d'une part e d'autre, il ait les letres le duc en qe sa pes soit contenue e les port seellees a son col. j. an é j. jor, si que il soit veuz as assises e as foires e as 1 marchiez del païs, si que li sergent ne le truissent sanz le seel le duc, e que tuit cil qui verront la droiture e la leal justice le duc se gardent d'amcheoir en autretel homecide.

5. Se cil homecides est quens ou barons ou de noble lignage, il ne portera pas a son col les letres le duc, einz les avra entor lui segreement; quar tel home, qui si sont de grant non, ne pueent aler seul par païs ne celeement, mes dedanz xv. jorz sera leur pes seue aval le païs, veillent ou ne vueillent.

6. La menue gent porteront a leur col le seel le duc j. an e j. jor, si que il soit veuz des voisins par qui testemoine^ li homecides sera seurs, se il pert ses letres par mésaventure dedanz l'an e le jor.

1 G. al. 2 G. testemoines.

7. Ja soit ce que homecides ait la pes le duc, nepor-quant ne il ne si oir n'avront son héritage que il perdi por l'omecide; ainz l'avra li sires del fieu; e autres! de toz les fuitis.