XL. De Tesmoinz

1. Nus n'est tenuz a respondre de riens se cil qui demande n'a tesmoing prest au premier jor, e par son testemoine cil qui respont s'espurgera par son serement des choses que il nie selonc la costume del païs ou il prandra le serement de cel tesmoing, par qui testemoine il est contrainz de respondre. Einssi est il de voisin envers voisin ; mes il n'est pas einssis entre le segneur e son homme ; quar li sires avra sanz tesmoing le serement de son homme une foiz en l'an.

2. Li foretier n'amenront pas tesmoing seur le mesfet de la forest, ne li prevost en leur prevosté, ne li sergent en leur sergenteries.

XLL De Bata[i]lle.

1 . Tuit chevalier e tuit sergent ont en leur terres leur justice de bataille en cause citeaine, e quant li champions sera yaincuz, il avront Ix. s[olz] e j. denier de la recreandise. E la justice de leur larrons ayront il e leur chatiex.