L. De Pr ANDRE FAME A FORCE

1. Se aucuns prant par force une pucelle en ville ou en champ ou em bois, il convient que elle crit se elle puet, si que li voisin qui orront le cri praingnent le malfeteur, se il pueent. E des que la mechine porra, elle doit aler a la première justice le duc que elle porra trover, e la justice fera veoir la meschine e sa bleceure par preude[s] famés e leaus, qui sachent quenoistre se elle a esté prise a force.

2. Quant li malfeteurs sera convaincuz en ceste manière de sa malvestié par le serement a preude[s] famés e a leaus, il se purgera par jugement d'eve, se il veut; e se il perist, il l'espeneira par les membres.

3. E se il veut prandre la mechine a famé einz que il soit convaincuz de sa malice, il l'ait a famé ^ se li parant a la mechine e elle le vuelent.

4. Se la mechine a aucun velt avoir son ami a mari si a force que elle li dit que il l'a prise par force, e elle est veue par preudefames que elle n'est point bleciee e elle ofre a prover le en jugement, elle ne sera puis oïe; einz sera batue e chaciee hors. Por qoi? Por ce que ill i a m[u]lt de famés si plaines de maligne esperit que elles voudroient bien mètre leur vies en aventure par si que elles poissent ocirre leur garçons que elles heent.

1 Gr. il ait la famé.

5. Se aucuns prant par force la famé son voisin , la famé nel provera pas, mes il lira a son voisin a prover le par bataille, se il velt, e se il est prové, il l'espeneira par les menbres. E se li mariz est vaincuz, il paiera Ix. s[olz] e un denier por la recreandise e sa famé soit fustee e chaciee hors e perde la loi de testemoine; mes il li loise bien a defandre sa vie en cause criminal; chascuns qui est vaincuz par bataille pert loi de testemoine.

6. Se aucuns prant a force famé vueve e criz en est oïz, elle ne provera pas la force par ses voisins; mes se elle a aucun home ou aucun parant qui ait veu le fet e ait esté bleciez por ce, il porra prover le malfeteur par bataille de sa bleceure e del mesfet qui a esté fez a la famé. E se li malfeteurs est vaincuz, il l'espeneira par les membres; se li autres est vaincuz, il paiera Ix. s[olz] e j. denier por la recreandise, e la famé sera fustee e chaciee hors.

Se la veve famé n'a nul tel home qui vuille ce fere, li dus tendra le malfeteur em prison tant que il s'en isse par pes ou il se purgera par jugement d'eve, se einssi est qe la force soit queneue par les voisins.