LI. De Prison

1. Toz mesfez de que homs est mal renommez met le malfeteur em prison par la justice, ja soit ce que nus ne

l'en demant riens, si que il sera tant em prison que il soit purgiez par jugement d'eve.

2. Se aucuns prant foie famé par force e il ne li veut doner sa déserte, il sera en la merci le duc de toz ses chatex, e la foie famé ayra sa déserte e tuit si damage seront restoré a li, neis se sa robe est depeciee, se einssi est que la force soit queneue par les voisins; e se cil qui n fit la force n'a nul denier, il fera pénitence en la prison le duc par viij. jorz.

LU. De Pleges^

1. Se aucuns plege home qui soit repris de la mort a aucun ou d'aucun crime, e il le plege de venir a cort e de respondre, e cil est fuitis e n'i velt venir, li pièges l'espeneira par perte de tout son chatel, ja soit ce que li malfeteurs fust tenuz que il i perdist membre ou vie.