LV. D'Assises

1. Assises sont tenues une foiz ou ij. par an en chascune yisconté, e lors sont li baron juré semons a tenir les assises e doivent enquerre que li visconte e li sergent n'aient mal fet en^ leur baillies envers les innocenz, e que il n'oient receté larrons e autres malfeteurs par deniers qui leur aient esté doné, e que il n'oient fet pes celeement d'omecide qui soit atainz par le serement de xij: chevaliers del visné. E se il truevent que tel chose oit esté fete, il la doivent fere amander lealment e fermement.

2. Se uns très povres homs se plaint d'iceles justices, li baron juré qui tienent ras[sjise garderont le droit au povre, si que li povres porra pledier o le visconte en sa visconté per a per. E se li visconte [s J a fet desleauté contre le povre de cause citeaine, il l'espeneira de toz ses chatex; e se ce est de cause criminal, il sera mis en la prison le duc tant que li dus en ait commendé sa volenté.