LVI. D'Amandes

1. Li baron juré font venir les sergenz de la visconté e des plus leaus chevaliers du païs viij. ou xij. ou xx.,

selonc ce que la baillie est grant, a dire voir par leur serement des chatex a cels qui en ras[s]ise sont chaoit en la merci le duc.

2. Se quens ou barons ou arcevesques ou [evjesqes ou abes est chauz en merci, il em paiera c. livres; chevaliers paiera al moins x. s[olz] ou néant; vilains ou bas hom[s] V. s[olz] ou néant.

3. Se uns povres chevaliers est felon[s] entre ses voisins e fet volontiers tort e ne crient point la merci le duc por sa povreté, il sera mis em bons fers chiés aucun borjois e il vivra j. mois ou tant comme ras[s]ise esgardera, e sera sa terre vandue ou engagiee, e li denier de l'eritage qui sera vanduz ou engagiez seront mis el trésor le duc. E se ce est j. bas hom[s], il face sa pénitence en la vilaine prison le duc.

4. Se il est chevaliers, la vérité de ses chatex soit seue par chevaliers jurez, e li dus les oit toz fors son bernois : ce sont ses armes, son destrier, e som palefroi, e son roncin ; e si filz avront leur roncins ; e il e sa famé e si emfant avront leur vivre regnablement por^ els e ses boviers, e ses charrues, e la semence a ses terres semer. Se il est borjois ou autres bas homs, il avra autresi son vivre, e les despenses a sa charrue, se il a charrue, e ses armes jurées. Totes les autres choses avra li dus par le serement as chevaliers.

1 G. par.