LXX. Des Plez de l'espee

1. Il distrent que cist plet apartienent a Tespee le duc : homecides, comment que il soit fez, ou en apert ou en repost, que l'en apele murtre, li plez e la justice e la

forfeture en apartienent au duc ou a cels a qui il e si encesseur le donérent; e autresi de membres tranchiez ou brisiez; autresi des choses tolues par force, que l'en apelle communément roberie, e de gast fet par force, e de famé prise par force, e d'arson, ce est de mesons arses e de blez ars, e [d']assaut qui est fez a aucun dedanz les quatre parties de sa meson, e [d'] assaut^ de charrue, e d'as[s]aut du chemin le roi par que l'en va de cité a cité ou a chastel real, e d'as[s]aut en la voie d'aler en la cort le roi, de brisier trive qui a esté donee par la justice le roi; e toute la justice de l'ost ou de la monnoie apartient au duc tant seulement.