LXXI. D'Omicides

1. Li rois Henris d'Engleterre mande saluz as arcevesques e as evesques, as abez e as contes, e a toz les feels Jhesu Crist e as filz de sainte iglise qui sont en Normendie.

2. Sachiez que il fu establi e conformé par devant Tarcevesque Hue de Roem e l'evesqe Jehan de L[i]siuis e l'evesque A. d'Evreues e l'evesque Jehan de Ses e par devant mes autres barons en commun chapistre e par commun assentement des ocieeurs, qui en trives e en la pes de sainte yglise ocient homes e brisent trives, que se aucuns veult apeler cel homecide par bataille, la bataille sera gagiee e tenue en ma cort. E se il en est

1 G. e assauz.

convaincuz, li evesques, en qui eveschié ce sera fet, en avra s'amande, ce seront ix. livres, du chatel al vaincu par la main de ma justice; e se il i remaint point de son chatel, li remenanz sera miens. E se ses chatex ne soufist a paier a l'evesque jusqu'à ix. livres, li evesques ait tôt ce qui i est, si que riens n'en sera pris a mon hoeis devant que li evesques ait eu toute s'amande, se 11 chatex soffist.

3. Se il n'i a qui veille prover l'omecide, il se purgera par le jugement de sainte iglise, e se il en est ilec convaincuz, il soit de l'amande l'evesque e de ma merci, si comme il a esté dit devant.

4. Se homecides ou aucuns qui oit brisié la trive ne velt venir a droit e il s'en ist de la terre, il sera autresi de l'amande. E se il fet pes o moi, l'amande l'evesque ne sera pas en la pes que ge ferai, einz la randra a l'evesque ou il fera pes o lui.

5. Ce fu fet a Roem m. e G. e xxxv. anz après l'Incarnacion. A ce fere furent presant li evesques Nicolas d'Ely, R. de Sigi^ e pluseur autre.