LXXII. De la Franchise as clers

1. Ce sont les choses que li rois Richarz d'Angleterre commanda a la Roche d'Oreval que fussent amandees. Si estoient presant li arcevesques de Roem e li evesque de Normendie.

1 Texte latin : R. de sigillo.

2. La première chose fu des provoires e des clers que l'em pandoit, si commanda que l'en ne le feist plus e, se tiex sacrilieges estoit fez, il fust espeneiz si comme il devroit.

3. Des clers pris e mis em prison, que il soient randu a Tevesque des que il les requerra.

4. De cels qui fuient a garant a l'yglise ou a l'aistre de l'iglise, que il aient l'encian jugement : ce est queil forjurent la terre dedanz le terme qui est establiz de viij. jorz e lors s'en aillent seurement, ou il se randent al jugement de la cort le roi.

5. Que requenoissenz ne soit fez en cort de possessions a yglises que elles aient tenues par xxx. anz.

6. Que taille ne soit fete sus yglises ne sus leur possessions; mes se persone ou vicaires d'iglise a fîeu lai, si en respongne selonc la quantité del fieu, se il l'aimme.