SS8 CRONIQUE
que plusieurs d'iceulx, destituez de toutes forces, tum boyent pitoyablement mortz ou prochains de morir, sans povoir estre secouruz de personne du monde; car la terre à cause des précédantes pluyes estoit si fangeuse et lubricque qu'il n'estoit possible trover lieu pour quelquefoys se repouser, ains si quelque ung voloit ce faire luy estoit besoing de soustenir sur son baston.
Toutesfoys Dieu leur ayda en ceste nécessité, car, excepté petit nombre, prindrent sur la fin bon couraige et achevèrent yertueusement ceste retraicte, tellement que pour parvenir au lieu auquel falloit s'enbarquer, passèrent à gué troys gros ruisseaulx d*eaue vive, ausquelz iiz entroyent dedans jusques à la ceincture , et dura ceste rectraicte Tespace de troys jours.
Or, si toust qu'ilz furent tous arrivez près des navires, TEmpereur commenda que pendant que les Allemans et Italiens entreroyent, les Espaignolz, desquelz il avoit meilleure opinion, demorassent sur terre pour résister aux ennemis, si d'adventure ilz descendoyent, et feit dilligenter, le plus qu'il peut, de faire ung chescun entrer. Toutesfoys la tempeste précédante avoit tant rompu des petites flettes, ausquelles il falloit petit à petit transporter les gens dudict Empereur jusques aux grands navires, (ce) que ne fut possible si toust faire que deux jours entiers ne passassent avant que le tout fust achevé. Et le troisiesme jouTj estant desjà une grand partie des Espaignolz trapsportez et enbarquez , le vent commença à souffler, et la mer à enfler, de sorte que à très grand peine fut possible de transporter la reste , ce qui toutesfoys en
la parfin fut faict. Les marniers prévoyant la tempeste commencèrent à desloger, et ceulx [là] partirent [qui] les premiers furent chargez, lesquelz furent les plus heureulx ; car ladicte tempeste croissant ne voloit donner congé aulx aultres de partir et sortir arrière du bourt, mais les détenoit en grand danger de leur rompre leurs navires contre les roches, de sorte que une rhodienne, ayant les chables des ancres ronpuz, fut en très grand danger d'estre brisée contre les pierres du bort, mais tant besognèrent les forçaires que en la parfin entra plus avant en mer, et lors conseillèrent les patrons de plustoust s'abandonner à la fortune du temps que demourer en danger; les troys aultres, suyvant la fortune d'icelle, se expousèrent au vent, et par ce moyen arrivèrent en la fin toutes quatre en la ville de Buges ^, et ce ne firent sans grand labeur et péril, car l'une d'icelles ayant perdu son govemal eschapa à grand peine sans estre noyée.
L'Empereur, attendant que la véhémence du vent se modérast, demourroit cependant près du bort, espérant, si la tourmente continuoit, de faire tirer, par force de petites flettes, sa navire jusques en haulte mer ; mais, ayant plusieurs foys esprové s'il pourroit ce faire et voyant la tempeste continuer, commenda de abandonner la navire et suivre les Rodiens, laissant pour secourir au reste quatre grands galeires, lesquelles, comme depuis a esté récité, furent ronpues et brisées par l'impétuosité du vent et tempeste à rencontre des rochers du bort et jectèrent très grand nombre des gens dudict Empereur sur le bort ; les-
