Liv. II, cil. VIII

faire, c'est l'affeclion et amour des siens : le commandement et la crainte, ce ne sont plus ses armes....

Feu monsieur le mareschal de Montiuc, ayant perdu son fils, qui mourut en l'isle de Madères, brave gentilhomme, à la vérité, et de grande espérance, me faisoit fort valoir, entre ses aultres regrets, le desplaisir et crevecœur qu'il sentoit, de ne s'estre jamais communiqué à luy; et, sur celte humeur d'une gravité et grimace paternelle, avoir perdu la commodité de gouster et bien cognoistre son fils, et aussi de luy déclarer l'extrême amitié qu'il luy portoit, et le digne jugement qu'il faisoit de sa vertu. « Et ce pauvre garson, disoit il, n'a rien veu de moy qu'une contenance renfrongnee et pleine de mespris; et a emporté cette créance, que je n'ay sceu ny l'aymer ny l'estimer selon son mérite. A qui gardois je à descouvrir caste singulière affection, que je luy portois dans mon ame? estoit ce pas luy qui en debvoit avoir tout le plaisir et toule l'obligation? Je me suis contrainct et géhenne pour maintenir ce vain masque; et y ay perdu le plaisir de sa conversation, et sa volonté quand et quand, qu'il ne me peult avoir portée aultre que bien froide, n'ayant jamais receu de moy que rudesse, ny senty qu'une façon tyrannique. »