Liv. il, ch VIII

EXTRAITS PÉDAGOGIQUES. iH

je n'ai tasté des verges qu'à deux coups, et bien mollement. J'ay deula pareille aux enfants que j'ay eu : ils me meurent touts en nourrice ; mais Leonor, une seule fille qui est eschappee à cette infortune, a attainct six ans et plus, sans qu'on ayt employé à sa conduicte, et pour le «hastiement de ses faultes puériles (l'indulgence de sa mère s'y appliquant ayseement), aultre chose que paroles, et bien doulces : et quand mon désir y seroit frustré, il est assez d'aultres causes ausquelles nous prendre, sans ■entrer en reproche avecques ma discipline, que je sçais estre juste et naturelle. J'eusse esté beaucoup plus religieux encores en cela envers des masles, moins nays à servir, et de condition plus libre : j'eusse aymé à leur grossir le cœur d'ingénuité et de franchise. Je n'ay veu aultre effect aux verges, sinon de rendre les âmes plus laschcs, ou plus malicieusement opiniastres.