DEUXIÈME PARTIE. — CHAPITRE IIL

chans, bourgeois de la cité de Mayance en Alemaigne , nous a esté exposé qu'ilz ont occuppé grant partie de leur temps à l'industrie, art et usaige de l'impression d’escripture, de laquelle, par leur cure et diligence, ilz ont faict faire plusieurs beaulx livres, singuliers et exquiz, tant d'ystoires que de diverses sciences, dont üz ont envoyé en plusieurs et divers lieux, et mesmement en nostre ville et cité de Paris, tant à cause de la notable université qui y est, que aussi pour ce que c'est la ville capital de nostre royaume, etont commis plusieurs genz pour iceulx livres vendre etdistribuer; etentr'aultres, depuis certain temps en ça, commistrent et ordonnerent pour eulx un nommé Hermen de Statboen', natif du diocese de Munster en Alemaigne, auquel ilz baillerent ou envoyerent certaine quantité de livres pour iceulx vendre là où il trouverroit au prouffit desdiz Conrart Hanequis et Pierre Scheffre , ausquels ledit Statboen seroit tenu d’en tenir compte; lequel Statboen a vendu plusieurs desdiz livres, dont à l'eure de son trespas il avoit les deniers par devers luy, et pareïllement avoit par devers luy plusieurs livres et autres qu'il avoit mis en garde tant en nostredite ville de Paris que à Angiers et ailleurs, en divers lieux de nostredit royaume; et est icellui Statboen allé de vie à trespas en nostredite ville de Paris. Et pour ce que, par la loy generalle de nostre royaume, toutesfoys que aucun estrangier et non natif d'icellui nostre royaume va de vie à trespassement sans lettres de naturalité et habilitation et puissance de nous de tester, tous les biens qu'il a en nostredit royaume à l'eure de son trespas nous compectent et appartiennent par droit d'aubenaige ; et d'autant que ledit Statboen estoit de la qualité dessusdite et n'avoit aucune lettre de naturalité ne puissance de tester, nostre procureur ou autres nos officiers ou

! Dans la copie de cette pièce publiée par Wolf, d’après celle qu'avait envoyée en 1665 ; au R. P. Louis Jacob, M. de la Mare, conseiller au parlement de Dijon, on lit constamment Stattren, au lieu de Statboen; d'un autre côté, Meerman écrit toujours Stattern {Orig. typogr. t. X, p.7, note x: p- 154, note k;t. IT, p. 271, 2° col.).

commissaires firent prendre, saisir et arrester tous les livres et autres biens qu'il avoit avec luy et ailleurs en nostredit royaume à l'eure de sondit trespas; et depuis, et avant que personne se soit venu comparoir pour les demander, iceulx livres et biens ou la pluspart ont esté venduz et adenerez, et les deniers qui en sont venuz, distribuez. Après lesquelles choses, lesdiz Conrart Hanequis et Pierre Schelffre se sont tirez par devers nous et les gens de nostre conseil, et ont fait remonstrer que, combien que lesdiz livres fussent en la possession dudit feu Statboen à l'eure de sondit trespas, toutesfois ilz ne luy appartenoïent point, mais veritablement compectoient et appartenoient ausdiz exposans, et, pour ce prouver, ont monstré et exhibé le testament dudit Statboen, avecques certaines cedulles etobligations, et produit aucuns temoins et autres choses faisans de ce mention, en nous requerant les faire restituer desdiz livres et aultres biens, ou de la valeur et estimation d'iceulx, lesquels ils ont estimé à la somme de deux mil quatre cens vingt-cinq escus d’or et trois solz tournois. Pourquoy nous, les choses dessusdites considerees , et mesmement pour consideration de ce que tres hault ettres puissant prince nostre tres chier et tres amé frere, cousin et allié le roy des Romains nous a escript de ceste matiere ; aussi que lesdiz Hanequis et Schelfre sont subgectz et des pays de nostre tres chier et tres amé cousin d'arcevesque de Mayance , qui est nostre parent, amy, confederé et allié, qui pareïllement sur ce nous a escript et requis; et pour la bonne amour et affection que nous avons à luy, desirans traicter et faire traicter favorablement tous ses subgectz; ayans aussi consideration à la peine et labeur que lesdiz exposans ont pris pour ledit art et industrie de impression, et au proufht et utilité qui en vient et peut venir à toute la chose publicque, tant pour l'augmentation de la science que autrement ; et combien que toute la valeur et estimation desdiz livres et autres biens qui sont venuz à nostre cognoissance ne monte pas de grand chose la dite somme de deux mil quatre cens vingt-cinq eseus et trois sols tour-