DEUXIÈME PARTIE.— CHAPITRE IIL
nois, à quoy lesdiz exposans les ont estimez : ce neantmoins, pour les considerations dessusdites et autres à ce nous mouvans, nous sommes liberallement condescendus de faire restituer ausdiz Conrart Hanequis et Pierre Cheffre ladite somme de deux mil quatre cens vingt cinq escuz et trois solz tournois, et leur avons accordé et octroyé, accordons et octroyons par ces presentes que, sur les deniers de nos finances, ilz aient et preignent la somme de huit cens livres pour chascun an, à commancer la premiere année au premier jour d'octobre prochain venant, et continuer d’an en an d'illec en avant, jusques à ce qu'ilz soient entièrement payez de ladite somme de deux mil quatre cens vingt cinq escuz et trois solz tournois.
Si vous mandons et enjoingnons expressement que par nostre amé et feal conseiller Jehan Briçonnet, receveur general de nos finances , ou autre qui pour le temps avenir sera, vous, sur icelles nos finances, faictes payer, bailler et deslivrer ausdiz Conrart Hanequis et Pierre Scheffre, ou a leur procureur souffisamment fondé pour eulx, ladite somme de huit cens livres tournois pour chascun an, à commancer ladite premiere année ledit premier jour d'octobre prouchainement venant, et continuer d’an en an, jusques à ce qu'ilz soient entièrement payez de ladite somme de deux mil quatre cens vingt-cinq escus et trois sols tournois. Et par rapportant ces présentes signées de nostre main, ou vidimus d’icelles fait soubz scel royal, avec quictance ou recongnoissance sur ce souflisant desdits Conrart Hanequis et Pierre Scheffre, nous voulons ladite somme de huit cens livres tournois par chacun an, ou ce qui en aura esté payé, estre alloué es comptes et rabatu de la recepte dudit Jehan Briçonnet, ou d'autre qui sera nostre receveur general ou temps avenir, par nos amez et feaulx gens de nos comptes, ausquieulx nous mandons ainsi le faire sans difficulté. Et en outre voulons et decernons que le vidimus de cesdites presentes, fait soubz scel royal, vaille estat et roolle audit Briçonnet ou autre nostre receveur general present ou avenir pour les sommes dessusdites.
qui auront esté payees à la cause dessusdite, sans ce que besoing leur soit d'en avoir de nous autre roolle ou acquict, pourveu que par chascun an il soit tenu d’escripre ou faire escripre au doz de cesdites presentes les payemens qui auront esté sur ce faiz, et que au derrenier payement et parfournissement de ladite somme, lesdiz Conrart Hanequis et Pierre Scheffre, ou leurdit procureur ou commis, seront tenus rendre et baïller à nostredit receveur general ce present original, pour le rendre et rapporter sur son compte en nostredite chambre des comptes; car ainsi nous plaist-il estre fait, non obstant que lesdites presentes ne soient enrotulees chascun an sur les roolles de nostredit receveur general, et quieulzconques restrinctons, mandemens ou deffenses à ce contraires.
Donné à Paris, le xxr° jour d'avril, l'an de grace M. cc. Lxxv, et de nostre regne le quatorzieme. Ainsi signé : — LOYS.
Par le Roy, vous l'évesque d'Évreux et plusieurs autres presens. Le Gouz.
On ne manquera pas de remarquer que la somme de 2,425 écus, accordée par Louis XI à Schoiffer pour la perte de ses livres, est presque quadruple de celle à laquelle avait été évaluée cinquante ans avant toute la librairie du Louvre ?. On peut juger par là de limportance du dépôt de livres qu'avaient à Paris les imprimeurs mayençais.
Je ne pousserai pas plus loin mes investigations sur l'origine de l'imprimerie de Paris. Les faits subséquents tiennent à un autre ordre de choses que je n'ai pas le dessein d'aborder pour le moment. Il me suffira de dire que la typographie parisienne fut bientôt en mesure de lutter avantageusement avec celle des principales villes
1 Voyez ci-dessus, p. 265.
