CHAPITRE III

I. Autre description plus sensible du Sage et de la Sagesse, par opposition de contraire qui est aussi dépeint. — 2. Confrontation du Sage et de son contraire au naturel , mouuemens et inclinations de l'esprit. — 3. Et en la conuersation, conférence et deportemens externes.

I. (J II ie veux encore dépeindre et descrire nostre Sage et Sagesse d'vne autre façon, sçauoir par dissimiHtude, par comparaison et antithèse auec son con-

jgG PETIT TRAICTE

traire , laquelle description sera peut-estre mieux comprise et entendue par les simples que la précédente, comme estant plus sensible et apparente, tirée pour lapluspart de la conuersation, paroles, actions, deportemens. Ce qui est plus directement, et comme hostilement contraire au Sage et a la Sagesse que nous traitions, est vue certaine qualité' et espèce d'esprits foibles, plats et naturellement populaires, puis preuenus et aheurtez à certaines opinions , et par ainsi incapables d'amendement et assagissement : que sî encores ils sont garnis d'acquis et de science , ils sont du tout irrémédiables : car cette science apporte à la foiblesse et bassesse naturelle, et au heurt et préoccupation d'opinions (qui sont desia deux grands empeschemens) encores de la présomption, opiniastreté, et témérité, leur enflant le cœur: scientîa inflat, et mettent en mains armes pour soutenir et deffendre leurs opinions anticipées , et c'est pour acheuer du tout de les peindre : car voila le portraict de folie tiré au vif de ces trois. Le premier qui est la foiblesse , vient du tempérament originel, et puis du défaut de bonne culture : et le second, qui est la teinture anticipée d'opinions, se trouue en toutes sortes de gens, de toute qualité, profession et fortune. Le tiers qui est l'acquit des lettres, n'est pas en tous. Et afin que Ion m'entende mieux, et que Ion ne pense que ie vueille icy dénigrer la science : le dis que la science est vn tres-bon et vtilebaston , mais qui ne le sçait bien ma-

nier, en reçoit plus de dommage que de profit; elle enteste et affoiblit, dlct vn grand habile homme, les esprits foibles et malades, polist et parfait les forts et bons naturels. L'esprit foible ne sçait pas posséder la science, s'en escrimer et s'eu seruir comme il faut r au rebours il plie et demeure esclaue sous elle, laquelle mesme le possède et régente comme Festomach foible chargé de viandes qu'il ne peut cuire ny digérer, le bras foible, qui n'ayant le pouvoir ny l'addresse de bien manier son baston trop fort et pesant pour luy, se lasse et s'estourdit tout; l'esprit fort et Sage s'en ioiiist, la manie en maistre , s'en sert , s'en prevault à son bien et aduantage, forme son ingénient, rectifie sa volonté j et s'en rend plus habile : 011 l'autre n'en deuient que plus sot et inepte. Ainsi la faute ou reproche n'est point à la science, non plus qu'au vin, ou autre très-bonne et forte drogue, qui surmonteroit et accableroit la force et la portée de celuy qui la prendroit. Non est culpa vini ^ sed culpa hibentis. Or à ces tels esprits foibles de nature , enflés et empeschez de l'acquis comme ennemis , formels de Sagesse (laquelle requiert vn esprit de nature fort, vigoureux et généreux , et puis doux , modeste , souple , qui suit volontiers la raison) ie fais la guerre par exprez en mon liure, et c'est souuent sous ce mot de Pédant , n'en trouuant point d'autre plus propre , et qui est vsurpé en ce sens par plusieurs bons autheurs. En sa première signification Grecque, il se

prend en bonne part, mais es autres langues postérieures, à cause de l'abus et mauuaise façon dese prendre et se porter aux lettres et sciences, vile, sordide , questueuse, querelleuse, ostentatiue, pratiquée par plusieurs, il a esté vsurpé comme en dérision et iniure, et est des mots qui auec laps de temps changent de signification, comme tyran, Sophiste , et autres, le sçay que les plus aigriz contre mon Hure sont ceux qui pensent que ce mot les regarde, et que par iceluy i'ay uoulu taxer et attaquer les professeurs des lettres et instructeurs : mais ils se contenteront, s'il leur plaist, de cette franche et ouuerte déclaration que ie leur fais icy , de ne designer par ce mot aucun estât de robbe longue ou profession literaire ; tant s'en faut, que ie fay par tout si grand estât des Philosophes; et m'attaquerois moy-mesme, puis que i'en suis et en fay profession , bien que des moindres : mais vue certaine qualité et degré d'esprits que i'ay dépeint cydessus, lesquels se trouuent sous toute robbe, et en toute fortune et condition, vulgum iam clamydatos ijuam coronaios voco. Que Ion me fournisse vn autre mot, qui signifie ces tels esprits, ie le quitteray tresvolohtiers. Apres cette mienne déclaration de bonne foy qui s'en plaindra s'accusera, et se monstrera trop chagrin. On peut bien opposer au Sage d'autres que Pédant, mais c'est en sens particulier, comme le commun, prophane et populaire, et le fais souuent, piais c'est comme le bas au haut, le foibleau fort, le

plat au releaé, le commun au rare , le valet au maistre, le prophane au sacré. Aussi on peat opposer le fol au Sage , et de fait au son des mots , c'est son vray opposite, mais c'est comme le déréglé au réglé, le gloxieux opiniastre au modeste, le partisant et particulier à l'vniversel , le preuenu et attaint au libre , franc et net, le malade au sain, mais le Pédant, au sens que nous le prenons , comprend tout cela , et encores plus. Car il désigne celuy lequel non-seulement est dissemblable et contraire au Sage, comme lesprecedens, mais qui roguement et fièrement luy résiste en face , et comme armé de toutes pièces s'esleue contre luy et Tattaque ; et pource qu'aucunement il redoute, à cause qu'il le descouure et le void iusques au fonds et au vif, et luy trouble son ieu, il le poursuit d'vne certaine et intestine haine , entreprend de le censurer, de le descrier, et condamner, s'estimant , disant et portant pour le vray Sage.

2. Parquoy pour les mieux cognoistretous deux ie les veux confronter en toutes choses , les représenter sur le Théâtre, et faire ioûer en chacun son personnage. Premièrement, pour leurs humeurs, les inclina- .tions, branles et mouuemens de leurs esprits, le Pédant estudie principalement à bien garnir et meubler sa mémoire, pour en pouvoir compter et entretenir les autres : le Sage à former et régler son ingénient et sa conscience. Celuy-là est tousiours hors de soy, vse et consomme ses propres facultez , et son vail-

3oo PETIT TRAICTÉ

lant interne , pour cognoistre le dehors : Cestuy-cy au rebours se tient au dedans de soy , se sert et rap-porte tout le dehors à son dedans ^ non pour l'empescher et garder, et puis le produire comme celuy-là, mais pour s'en preualoir en soy-mesme, réellement s'en rendre meilleur, plus habile, résolu, constant, courageux. Celuy-là n'apprend et ne sçait rien que des liures , des préceptes , des maistres , et de ce qui est expressément dressé pour l'enseigner : Cestuy-cy de toutes choses qui se disent, se font, se passent, grand mesnager qui fait son profit de tout, des niaiseries mesmes, choses de néant, rien ne luy eschappe qu'il ne rel eue; il apprend de soy-mesme, de l'ignorant, de la femme, de l'enfant, du fol, du Pédant, et de celuy auquel il ne veut aucunement ressembler. Celuy-là admire et faict plus de cas de l'art, de ce qui est esclatant, reluisant, bruyant : Cestuy-cy s'arreste et aime mieux ce qui est naturel, doux, coulant, aisé. Celuy-là est attentif aux paroles : Cestuycy aux choses , Sapîentîa in Utteris non est , res attendis non verba. Celuy-là s'arreste ferme au texte et aux mots de la loy : Cestuy-cy à l'équité et raison, Celuylà se tient aux extremitez , condamne tout à plat, lotie outre mesure, soit aux personnes, ou aux opinions, reiette tout à lait ou embrasse estroitement du tout amy ou ennemy, dVne ou deux particularitez, fera vn iugement vniuersel : Cestuy-cy tout doucement et médiocrement appointe et concilie tant

DE SAGESSE. 3oi

qu'il peut, recognoist et dict le bien en qui que ce soit , voire en l'ennemy et sien et du public , dit le bien volontiers, escharseraent le mal, ialoux de la vérité', de la candeur et intégrité' de son iugement. Celuy-là fait tout auec passion et émotion qui luy trouble, corrompt et renuerse le iugement : Cestuy-cy auec froideur, quieteraent et paisiblement. Celuy-là est tout à la vanité et au bruit: Cestuy-cy à la vérité et solidité. Celuy-là est prompt à parler, impatient à ouyr, malpropre aux affaires: Cestui-cy, tout au rebours. Celuy-là est tout du monde, désire, cherche, auec tourment d'esprit et de corps l'honneur, les biens, les plaisirs : Cestui cy se portant modérément en toutes choses, a ses pensées plus hautes, plus spirituelles. Celui-là est tout attaché aux coutumes , opinions , façons , personnes de son pays , tette tousiours la mamelle de sa mère, condamne tout detroussement les choses estrangeres de son vsage, et toutes celles qu'il n'entend pas : Cestui-cy regarde de mesme œil, iuge et considère les choses plus estranges comme les siennes. Celui-là est à soy et autruy onéreux, chagrin , despiteux, opiniastre : Cestuy-cy ioyeux, doux, coulant, allègre, ouuert. Celui-là est hardy, entreprenant, pressant, colère : Cestui-cy froid , patient, pesant, considéré, lusques icy se cognoist assez leur génie et naturel, et se void assez l'air des deux.

3. Yenons aux particularitez , à leurs deportemens en compagnie et conuersation. En tout différent et

3o3 PETIT TRAICTÉ

diulsion. Celuy-là ne se peut tenir qu'il ne soit partisan, encores qu'il s'en puisse gai'der, et le sera outré, transporte' : Cestuy-ci tant qu'il se peut tient neutre ou raodçrateur et commun, et s'il luy conuient estre partisant, il le sera auec modération, et ne fera iamais le pire qu'il pourra au party contraire , si ce n'est par force et à l'extrémité', et cum moderamîne înculpaîœ tutelœ. En compagnie estrangere et incogneuë , celuy-là se veut faire sentir et cognoistre, et que Ion sçache ce qu'il sçait , ce qu'il a ou pense auoir de bon et recoramandable : Le Sage consent de demeurer incogneu , ou bien faudra que quelque suiet ou occasion se présente, pour laquelle il lui conuienne se déclarer et produire. Arriuant oij chacun puisse librement prendre place, celuy-là prendra ambitieusement la plus honorable, ou ineptement la plus basse : Cestuy-cy discrettement aduisera de prendre la plus commode et aisée. Ayant fait quelque chose belle, bonne, vtile , et officieuse au public ou particulier, celuy-là s'y porte ambitieusement, le fait sonner haut, le répète souuent, s'enquiert de ce que Ion en dit , se fasche de ce que Ion n'en fait plus de bruict et de feste : Cestuy-cy tout doucement escoute ce que Ion en dit, se contente en soy-mesme d'auoir bien faict , et se gratifie de ce qu'il a bien reiissi , et que les gens de bien l'approuuent. Si Ion vient en 'dispute et conférence, celuy-là y procédera fièrement, d'vne façon Magistrale, auec termes affirmatifs être-

DE SAGESSE. 3o3

solus, condamnant roguement les opinions contraires, comme absurdes , fausses et ridicules : Cestuy-cy mo- ' destement et doucement , auec mots douteux et retenus, disant, le ne sçay, peut-estre, il semble. Celuylà se fonde tout sur l'authorité et dire d'autruy, quM allègue auec soigneuse cottation des lieux , pour faire monstre de la mémoire et grande lecture : Cestuy-cy se range à la raison, au prix de laquelle l'authorité lay est peu. Celuy-là ne regarde qu'à vaincre, soutenir et défendre son opinion, à tort ou à travers , se deffaire de sa partie : Cestuy-cy vise tousiours à la vérité, a laquelle il tend les bras et joint les mains sitost qu'elle luy apparoist. Celuy-là veut estre creu , s'ébahit et se fasclie que Ion ne trouue bon et vray ce qu'il dit, souffre aigrement d'estre contredit et pressé, et lors il trouble la dispute et chicane: Cestuy-cy ne s'en donne de rien , n'ayant rien espousé , cherchant nuëment la vérité, à quoy sert plus la contradiction que l'acquiescement, et cependant se contient toujours en l'ordre et en la pertinence. En la victoire celuy-là est insolent , il bruist , il braue , et en la perte n€ recognoist point bonne foy, pense qu'il iroit de son honneur s'il se reduisoit et confessoit son mes^ conte: Cestuy-cy ne fait point sonner la victoire , plutost la pieté, et couure sa partie, si ce n'est à quelque fol, testu, insolent et opiniastre, auquel il fait (c'est iustice belle aumosne) monstrer son derrière tout entier ; et en la perte, fort galamment il se rend à

3o4 PETIT TRAICTÉ

la raison , et sa confession n'est iamais honteuse , car

il n'a iamais affirmé ny opiniastré.

\/VV^'VVVh/%'V%UVVVVVV%Ji/t/\ntV\/VUt/\'VVVV\WUVVVt/V\/V/tfVlll/VVVl/V%/\J%fVVli%^