LIVRE I, CHAPITRE XXXVI. a

gueulent accoustumé, accommodé, et comme accoquiné à ce monde, dont il l'ayme tant, ce qui n'est aux jeunes. Outre ceux-ci *l8 il y a envie, malignité', injustice. Mais ce qu'il y a de plus sot et ridicule en elle, est qu'elle se veust faire craindre et redouter, et pour ce tient-elle une morgue austère et desdaigneuse, pensant par là extorquer crainte et obéissance : mais elle se faict mocquer d'elle; car cette mine fiere et tyrannique est receue avec mocquerie et risée de la jeunesse, qui s'exerce à l'affiner*19 et l'amuser, et par dessein et complot luy celer et desguiser la vérité des choses. Il y a tant de fautes d'une part en la vieillesse , et tant d'impuissance de l'autre, et est si propre au mespris, que le meilleur acquest qu'elle puisse faire, c'est d'affection et amitié, car le commandement et la crainte ne sont plus ses armes. Il luy sied tant mal de se faire craindre ; et quand elle le pourroit, encores doibt-elle plustost se faire aymer et honorer.

*l8 Outre ces défauts-ci.

*'9 A la tromper finement.