DIZAINS LXXXIV-LXXXVI

Mais en maintz lieux, & plus hault mille fois. Et si en toy elle est veue mensonge, Pour vérité se troeuve toutesfois.

Et pour spectacle, ô Albion, tu vois Malice honneur aujourdhuy contrefaire, Pour a ta Dame un tel oultrage faire ', Qu'elle à plus cher a honte, & villainie De sa Coronne, & de soy se deffaire, Que veoir Amour céder a Calumnie.

Sur le matin, commencement du jour, Qui flourit tout en pénitence austère, Je vy Amour en son triste séjour Couvrir le feu, qu< jusque au cœur m'altère. Descouvre, dy je, ô malin, ce Cotere, Qui moins offence, ou plus il est preveu.

Ainsi, dit il, je tire au despourveu, Et celément plus droit mes traictz j'asseure. Ainsi qui cuyde estre le mieulx pourveu Se fait tout butte a ma visée seure.