DIZAINS CXXVII-CXXIX

Nous à daingné de sa rare lumière,

Quand sa blancheur, qui l'yvoire surmonte,

A esclercy le brouillas de Fourvierc :

Et s'arrestant l'une, & l'aultre rivière,

Si grand' clarté s'est icy demonstrée,

Que quand mes yeulx l'ont soubdain rencontrée,

Hz m'ont perdu au bien, qui seul me nuict.

Car son cler jour serenant la Contrée', En ma pensée a mys l'obscure nuict.

Le jour passé de ta doulce présence

Fust un serain en hy ver ténébreux 2,

Qui fait prouver la nuict de ton absence

A l'œil de l'ame estre un temps plus umbreux

Que n'est au Corps ce mien vivre encombreux,

Qui maintenant me fait de soy refus. [62]

Car dès le poinct, que partie tu fus, Comme le Lièvre accroppy en son giste,