CCLII. — 1. communément CCLIII. — 2. anobliz — 9. Gloire

Si le blanc pur est Foy immaculée ', Et le vert gay est joyeuse Espérance.

Le rouge ardent par couleur simulée De Charité est la signifiance :

Et si ces troys de diverse substance (Chascune en soy) ont vertu spéciale, Vertu estant divinement Royalle, Ou pourra Ion, selon leur hault mérite, Les allier en leur puissance esgalle, Sinon en une, & seule Marguerite 2 ?

De la clere unde yssant hors Cytharée,

Parmy Amours d'aymer non resoulue,

En volupté non encor esgarée,

Mais de pensée, & de faict impolue,

Lors que Prognes le beau Printemps salue 3,

Et la Mer calme aux ventz plus ne s'irrite, [118]

Entre plusieurs veit une marguerite *

Dans sa Coquille, & la prenant j'eslys

Ceste, dit elle, en prys, lustre, & mérite,

Pour décorer (un temps viendra) le Lys.