DIZAINS CCCXXI-CCCXXIII

Je sens Amour avec pleine pharetre Descendre au fond pour esprouver ses arcs.

Adonc, craingnant ses Magiciens arts, L'Ame s'enfuit souffrir ne le povant.

Et luy vainqueur plus fier, qu'au paravant, Pour le desgast le feu par tout allume, Lequel ayant joye, & rys au devant Ne monstre hors ce, qu'en moy il consume '.

Merveille n'est, Déesse de ma vie,

Si en voyant tes singularité*

Me croist tousjours, de plus en plus, l'envie

A poursuyvir si grandes raritez.

Je sçay asses, que noz disparitez (Non sans raison) feront esbahyr maints. [148]

Mais congnoissant soubz tes célestes mains Estre mon ame heureusement traictée, J'ay beaucoup plus de tes actes humains, Que liberté de tous tant souhaictée.