DIZAINS LV1I-LIX

Quand j'apperceu au serain de ses yeulx

L'air esclarcy de si longue tempeste,

Jà tout empeinct au prouffit de mon mieulx,

Comme un vainqueur d'honnorable conqueste,

Je commençay a eslever la teste :

Et lors le Lac de mes novelles joyes

Restangna tout, voire dehors ses voyes

Asses plus loing, qu'onques ne feit jadis.

Dont mes pensers guidez par leurs Montjoyes ',

Se paonnoient tous en leur hault Paradis.

Taire, ou parler soit permis a chascun,

Qui libre arbitre a sa voulenté lye.

Mais s'il advient, qu'entre plusieurs quelqu'un

Te die : Dame, ou ton Amant se oblye,

Ou de la Lune il fainct ce nom Délie

Pour te monstrer, comme elle, estre muable 2 :

LVIII. — i. j'aperceu (T) — yeux (T) — 6. nouvelles — 7. tout (sans virgule)