I. Ton rond, c'est-à-dire ton visage

DELIE

5 Quand il rougit en Martial visage,

J'ouvre les ventz a mes souspirs espaiz :

Mais je m'asseure a l'heure de ma paix, Quand je te voy en ta face seraine.

Parquoy du bien alors je me repais,

lo Du quel tu es sur toutes souveraine ^

Suffise toy, ô Dame, de dorer

Par tes vertus nostre bienheureux aage.

Sans efforcer le Monde d'adorer

Si fervement le sainct de ton image,

5 Qu'il faille a maintz par un commun dommage Mourir au joug de tes grandz cruaultez.

N'as tu horreur, estant de tous costez Environnée & de mortz, & de tombes, De veoir ainsi fumer sur tes Aultez

lo Pour t'appaiser, mille, & mille Hécatombes ?