CC

Phebé luysant' par ce Globe terrestre Entreposé a sa clarté privée De son opaque, argentin, & cler estre Soubdainement, pour un temps, est privée.

5 Et toy, de qui m'est tousjours dérivée

Lumière, & vie, estant de moy loingtaine Par l'espaisseur de la terre haultaine.

Qui nous sépare en ces haultz Montz funèbres, Je sens mes yeulx se dissouldre en fontaine,

10 Et ma pensée offusquer en ténèbres.