AlaRoyne

Madrid, 24 décembre 1568.

Madame. C'est sans point de doubte qu'on estoit bien fort joyeulx en ceste court de quoy le prince d'Orenge a quicté Flandres ; mais ilz faisoient semblant d'estre marrys qu'il eust prins le chemyn de Picardie; car ilz l'eussent mieulx vouUu veoir reprendre la routte d'AUemaigne, pource qu'on doubtoit que les rebelles de votre Royaume s'assemblassent et vinssent avecq luy; et tant le Roy Catholicque que ses ministres font estât que Mons' le duc d'Alve n'aura fally de secourir le Roy ; sur quoy pour plus grande seuretté, ced. S' Roy luy faisoit et faict une recharge par la depesche que mon courrier porte à son ambassadeur. Bien m'a hier monstre Sa Majesté le double d'une lettre que Monseigneur d'Anjou escript à Mons' de Monluc de la retraicte honteuze dud. prince en grand desarroy avec perte de bon nombre de ses gens à cheval et à pied et de son artillerie, reprennant le chemin dud. Allemaigne par Champaigne, et autres particuUaritez advantageuses pour votre service, dontced. S' Roy est merveilleuzement aize. car votre bon succez luy est favorable aussi bien, veu que c'est tout pour mesme querelle, comme il m'a dict après luy avoir donné votre lettre du xiij de novembre, que M* Loys son horloger m'a envoyée de Bilbau depuis trois jours. Et sur ce propoz, Madame, je luy ay leu celle de mesme datte qu'il a pieu à Votre Majesté m'escrire de votre main, laquelle luy a atendry le cueur, car je luy ay veu les grosses larmes aux yeulx et quelque choze debvra il fere en lizant la sienne. Il vous baize les mains, Madame, infinies fois pour la

> Original. Bibl. Nat., ms. fr. 16103, f^ 478.

bonne souvenance en quoy il vous plaise le tenir à luy et à Mesdames ses filles, qu'il ne vous fault penser qu'il soit pour oblier de sa vie la grand perte qu'il a faicle. qui est inestimable pour luy; et que tant qu'il vive il vous veult estre et sera très bon filz et bon frère du Roy, comme ildezire et prie Vos Majestez estre envers luy, estant obligé et tenu d'aymer mesd. Dames ses filles pour beaucoup de rcspectz. ce qu'il faict, et entre autres pour estre la représentation de lad. Dame Royne leur mère, le lien d'amytié et de votre commune paix, ainsi que votred. lettre me dict. Je croy. Madame, que Sad. Majesté vous faict responce.

Je luy ay représenté combien est et sera son advantaige et le votre que Yoz Majestez Très Chrestienne et Catbolicque s'entendent et soyent unys comme à bons frères et amys appartient, car n'y a Germanie ny Turc ou autre qui soit pour leur résister ny pour leur nuyre. Il m'a advoué qu'il est vray et que c'est bien son intention et dezir d'avoir parfaicte amytié et correspondence avec le Roy, son bon frère, tant qu'il vivra, et de la fortiffierpar tous les moyens dont il se scaura adviser. Et m'a demandé si Madame de Vendosmes et son filz sont h La Rocbelle et si le Roy, son frère, Tespargneroit, veu le tort que mère et filz luy ont faict de s'armer contre Sa Majesté. Je luy ay respondu que la royne de Navarre et le prince son filz se trouvoienl, n'a pas longtemps, aud. Rochelle; et j'avois entendu que le Roy estoit après pour la rendre une pouvre dame ; car il avoit faict et faisoit saizir toutes ses terres comme tumbée en crime de felonnie et de rébellion contre son prince souverain. Led. S' Roy Catbolicque m'a reppliqué trois ou quatre fois que c'estoit bien employé et qu'il vous conseilloitne pardonnera mère ny àlilz ne aux autres rebelles, sur la peine que vous ne serez jamais paisibles, si Voz Majestez feront autrement. Je l'ay supplié me dire s'il pense que la roynè d'Angleterre favorizera lesd. rebelles. 11 m'a faict responce qu'il croit fermement que non et qu'il luy a escript bien afl'ectueuzement par prière et par manière de protest que lad. Dame royne s'en déporte pour bonnes raisons qu'il luy a faict entendre. 11 a commandé que le logis qu'on baille à Monsieur le cardinal de Guize en ceste ville soit tappissé et meublé des meubles de la feu Royne et que les officiers de mad. Dame le servent de sa vaisselle, tennant son ordinaire pour mond. S' et pour sa maison, tout ainsi

N • IGl ET \ir2. — i\ JANVIKR 1509 41

que si Sa Majesté vivoit. Quant à Mesdames les Infantes, elles sont en bonne santé. Je visitay laduchesse d^Alve de votre part, qui baise les mains de Votre Majesté très bumblement.

Madame, je prie Dieu qu'il vous maintienne et conserve très longues années en très bonne santé et félicité. De Madrid, le xxiiij"" décembre 1568.

De sa main : Madame, il n'y a beu remède d'arra(*her la depesche du Hoy Catbolicque si tost que j'eusse vollu, sans laquelle n'y avoit rien dadvencé à l'endroit du duc d'Alve; et pour ce, ma lettre qui estoit faicte il y a quelques jours, est seuUement de la datte du jour présent.

Votre très bumble, très obevssant et très obli*ré subircct. vassal et serviteur.

FoHQLRVAULX.