A la Royne

Boceguilles, 27 mars 4572.

Madame, Le s' de Quivimille n'est si tost party de Madrid qu'il esperoit ; et c'est la cause pourquoy ma letre m'a acompaigné ce peu de jours sans l'acheminer ; despuis avoir datte laqueUe, j'ay sceu par ung courrier du duc de Medine Celyn qui alloit vers le Rdy Catholique que certainement led. duc s'embarquera le dixiesme d'avril et fera voylle hors du port de Laredo, on dict que pour Flandres; et avec luy va Tomas Stuely, anglois. Hz sont fort fâchez de la prinse de xij ou quatorze navires Espaignolz et Flamengz que les Anglois ont faicte, ces jours passez; et pencent qu'il y ait heu des courssaires François avecques eulx. Aussy est très mal satisfaict Sa Majesté Catholique de Pierre Menendes, pour ce qu'il estoit plus fort que une aultre flotte d'Anglois courssaires qui vont infestant les Indes d'Espaigne, et ne les a ozé combatre; ains se retira dens ung port lâchement.

Madame, je prie Dieu qu'il vueille conserver très longtemps la santé de Vostre Majesté et luy donner très acomply contentement comme ses plusfidelles serviteurs dezirent. De Boceguilles, le xxvij"" de mars 1572.

Vostre très humble, très obeyssant et très obligé suhject, vassal et serviteur.

FoRQUKVAULX.

' Original. Bibl. Nat., ras. fr. 16103, f*>663.